ધરપકડ:સિદ્ધપુર પોલીસે બે ગેંગરેપ અને ગુજસીટોકના આરોપીને બંદુક સાથે ગણવાડાથી દબોચ્યો

પાટણ6 મહિનો પહેલા
  • કૉપી લિંક
  • આરોપી ગેંગરેપ કેસ અને ધાંગધ્રા પોલીસ મથકના ગુજસીટોક કેસમાં ફરાર હતો
  • પાટણમાં કબૂતર લેવા બાબતે માતા - પુત્ર ઉપર તલવાર અને લોખંડની પાઈપથી હુમલો

સિદ્ધપુર પોલીસને વિવિધ પોલીસ મથકમાં નોંધાયેલા ગેંગરેપ અને ચોરીના કેસ તથા ધાંગધ્રા પોલીસ મથકના ગુજસીટોક કેસના ફરાર આરોપીને ઝડપી લેવામાં સફળતા પ્રાપ્ત થઈ છે. સિદ્ધપુર પી.આઈ. ચિરાગ ગોસાઈના જણાવ્યા મુજબ તેમના સ્ટાફને તાલુકાના ગણવાડા ગામની સીમમાં એક ગુનાહિત ઈતિહાસ ધરાવતો શખ્સ પોતાની પાસે દેશી બનાવટની બંદુક રાખી ફરતો હોવાની બાતમી મળતાં પી.આઈ.એ અલગ અલગ ટીમો બનાવી તેને ચારેય તરફથી ઘેરીને ઝડપી લીધો હતો.

ચોરી સહિતના કુલ 14 ગુનાઓનો આરોપી હોવાનું બહાર આવ્યું

આરોપીને પોલીસ મથક લાવી તેની સઘન તપાસ કરતાં તેની પાસેથી દેશી બનાવટની બંદૂક, છરી, બે મોબાઈલ સહિતનો મુદ્દામાલ જપ્ત કર્યો હતો. અને તેની પૂછપરછ હાથ ધરતા તેણે પોતાનું નામ ઈમરાન ઉર્ફે ચમચી ઉર્ફે ભમરીયો જમાલભાઈ ઉસ્માનભાઈ સિંધી ( ડફેર ) રહે . હાલ ગેડીયા, તા. પાટડી, જિ. સુરેન્દ્રનગર મૂળ રહે. ગણવાડા, તા.સિદ્ધપુર, જિ.પાટણ હોવાનું જણાવતાં તેના નામ આધારે સિદ્ધપુર પોલીસે વર્ષ 2019 માં કડી પોલીસ મથકમાં નોંધાયેલા બે ગેંગરેપના કેસનો આરોપી તેમજ ધાંગધ્રા પોલીસ મથકમાં વર્ષ 2020 ના સમયમાં નોંધાયેલા ગુજસીટોકનો આરોપી તેમજ અન્ય અલગ અલગ પોલીસ મથકોમાં ચોરી સહિતના કુલ 14 ગુનાઓનો આરોપી હોવાનું બહાર આવ્યું હતું. તેની અટકાયત કરી આગળની કાર્યવાહી હાથ ધરી છે.

11 વર્ષના બાળક પાસે કબૂતર માગ્યું ન આપ્યું તો પાઈપ મારી

પાટણ શહેરમાં એક કબૂતર આપવા જેવી નજીવી બાબતમાં એક માતા - પુત્રને લોખંડની પાઈપ અને તલવાર મારવાનો મામલો સામે આવ્યો છે. જેમાં 4 આરોપીઓ વિરૂદ્ધ પોલીસ ફરિયાદ નોંધાઈ છે. પાટણ શહેર એ ડીવીઝન પોલીસ મથકમાં એક મહિલાએ ફરિયાદ નોંધાવી છે કે તેમનો 11 વર્ષીય પુત્ર ઘરની બહાર રમતો હતો. ત્યારે તેમની નજીકમાં રહેતા યુસુફભાઈ રંગરેજ અને તેમની પત્ની આરેફાબેન યુસુફભાઈ રંગરેજ આવીને તેમના પુત્રને લાફો મારીને તેની પાસે કબૂતર માગ્યું હતું. જેણે આપવાની ના પાડી દેતાં યુસુફ રંગરેજ તથા તેની પત્ની આરફા રંગરેજ બંને ઉશ્કેરાઈ જઈને ઝઘડો કર્યો હતો. એટલામાં યુસુફ રંગરેજનું ઉપરામણું લઈને તેમના બે સાળા હારૂન ઈબ્રાહિમ રંગરેજ અને દાઉદ ઈબ્રાહિમ રંગરેજ પણ આવી પહોંચ્યા હતા. અને હારૂન રંગરેજે 11 વર્ષના બાળકને માથામાં લોખંડની પાઈપ ફટકારી હતી

આ મામલે મહિલાની ફરિયાદને આધારે શહેર એ ડીવીઝન પોલીસ મથકમાં યુસુફભાઈ રંગરેજ, આરેફાબેન યુસુફભાઈ રંગરેજ, હારૂન ઈબ્રાહિમ રંગરેજ અને દાઉદ ઈબ્રાહિમ રંગરેજ વિરૂદ્ધ ગુનો નોંધાયો છે.

અન્ય સમાચારો પણ છે...