કાદવમાંથી કમાણી:પાટણના ઓક્સિડેશન પોન્ડમાંથી કાદવનો નિકાલ કરવા પાલિકા ખાતે યોજાયેલી હરાજી પેટે પાલિકાને રૂ.2.21 લાખની આવક

પાટણ માખણીયા ખાતે નગર પાલિકા દ્વારા બનાવવામાં આવેલ ગંદા પાણીના નિકાલ માટેના તળાવો (ઓક્સિડેશન પોન્ડ )માંથી કાદવ કાઢી તથા એસ .ટી.પી પ્લાન્ટ માંથી નિકળનાર સ્લજ લઈ જવા માટે ની 3 વર્ષ માટે કામગીરીની જાહેર હરાજી શુક્રવારના રોજ પાટણ નગર પાલિકા ખાતે પ્રમુખ સ્મિતાબેન પટેલ ની અધ્યક્ષતા માં હરાજી યોજાઈ હતી .આ હરાજીમાં કુલ 7 જેટલા લોકોએ ભાગ લીધો હતો .જેમાં હરાજી ની અપસેટ કિમંત રૂ 2 લાખની નક્કી કરવામાં આવી હતી જે હરાજી નાં અંતે સૌથી ઉંચો ભાવ પટેલ દેવેસ જેઠાભાઇ પટેલે રૂ . 2,21 લાખ બોલતા તેમને આ કામ પાલિકા દ્વારા સોંપવામાં આવ્યું હતું .

આ હરાજી માં પાલિકા પ્રમુખ સ્મિતાબેન પટેલ,ચીફ ઓફિસર સંદીપ પટેલ , ભૂગર્ભ ગટર ચેરમેન જયેશભાઈ પટેલ, એન્જિનિયર કિર્તીભાઇ પટેલ સહિત પાલિકા સ્ટાફ ઉપસ્થિત રહ્યો હતો.આ હરાજીમાં પાલિકા ની શરત મુજબ 6 ફુટ સુધી જ તળાવ ઊંડુ કરવાનું રહેશે અને આ તળાવ ઉંડુ થવાથી પાણી નો સંગ્રહ વધુ થશે અને ઓવરફ્લો થવા ની સમસ્યા ઘટશે તેમ ભૂગર્ભ શાખા ના એન્જિનિયર કીર્તિભાઈ પટેલે જણાવ્યું હતું .