નગરપાલિકા અનેક રજૂઓતો:પાટણમાં 100 વર્ષ જૂનું જર્જરીત બંધ મકાન ઉતારવા કલેક્ટરમાં રજૂઆત

પાટણ18 દિવસ પહેલા
  • કૉપી લિંક
  • તાજેતરમાં આબુવાળાં ડેલા વિસ્તારમાં આવેલ જર્જરિત હોસ્ટેલના મકાનની ધરાશાયી થઈ હતી

પાટણ મુખ્ય પોસ્ટઓફિસની પાછળના ભાગે આવેલા આબુવાળા ડેલા વિસ્તારમાં 100 વર્ષજુનું હોસ્ટેલનું મકાન જર્જરિત હાલતમાં બંધ હલાતમાં ઊભું હોય તાજેતરમાં તેની એક તરફની દિવાલ ધરાશાયી થઈ હતી.

આ મકાન વિસ્તાર માટે ભારે જોખમી બન્યું હોય સત્વરે ઉતારી લેવા રહીશોએ પાલિકામાં રજૂઆત કરવા છતાં આજદિન સુધી નગરપાલિકા દ્વારા મકાન દૂર કરવા બાબતે કોઈ જ કાર્યવાહી ન કરાતાં ચોમાસાની ઋતુમાં આજુબાજુના મકાનોના રહીશો ભયના ઓથાં તળે એક સપ્તાહથી જીવી રહ્યા હોય સત્વરે જર્જરીત મકાન નગરપાલિકા દ્વારા દૂર કરવામાં આવે તેવી માગણી સાથે વિસ્તારમાં રહેતા રહીશો દ્વારા બુધવારે કલેકટર કચેરીમાં લેખિતમાં અરજી આપીને રજૂઆત કરી હતી. તેમજ આ બાબતે પ્રાંત અધિકારીને પણ લેખિતમાં અરજી આપી હતી.

રહીશ મુકેશભાઇએ જણાવ્યુ હતુ કે આ હોસ્ટેલ બંધ હાલતમાં હોય કોઈ ઉપયોગ કરતું નથી કે તેના મકાનનું રીનોવેશન પણ કરાવવામાં આવતું નથી. જેથી હાલ પડી જાય તેવી હાલતમાં ઊભું હોય જો પડશે તો આજુબાજુના ત્રણથી ચાર મકાનો ઉપર કાટમાલ પડતા મોટું નુકસાન અને કોઈનો જીવ જવાની પણ શક્યતા દેખાઈ રહી હોય સૌ પરિવારો દિવસ રાત ભયભીત હાલતમાં જીવી રહ્યાં છીએ.

રાત્રે ઉંઘ આવતી નથી. નાના બાળકો હોય તેમને બહાર કાઢતા ડર લાગી રહ્યો છે.પાલિકાને અમે લેખિતમાં રજૂઆત પણ કરી પરંતુ પાલિકા મારું કંઈ સાંભળતી ના હોય કલેકટરને રજૂઆત કરી છે.

અન્ય સમાચારો પણ છે...