એવોર્ડ માટે ભલામણ:ગાંધી વિચારક ધનજીભાઈ વિશ્વબંધુને જમનાદાસ બજાજ એવોર્ડ માટે ભલામણ

હેમચંદ્રાચાર્ય યુનિવર્સિટીના કુલપતિ દ્વારા પાટણના વિખ્યાત ગાંધી વિચારક ધનજીભાઈ ઓખાભાઈ વિશ્વ બંધુને ચાલુ સાલે જમનાદાસ બજાજ એવોર્ડ આપવા માટે ભલામણ કરી છે.કુલપતિ જે.જે. વોરાએ જમનાદાસ બજાજ એવોર્ડ માટે કરેલી ભલામણમાં નોંધ્યું છે કે ધનજીભાઈ ઓખાભાઈ વણકર વિશ્વબંધુ યુનિવર્સિટી વિસ્તારના વિખ્યાત ગાંધીવાદી વિચારક છે.

અને તેઓ યુનિવર્સિટીના કોલેજો અને ભવનોમાં ગાંધી વિચાર અને વિશ્વ શાંતિ અંગે માર્ગદર્શન આપી ચૂક્યા છે. નોધનીય છે કે વર્ષ 2019માં જિલ્લા કલેકટર કચેરી દ્વારા ગાંધી શાંતિ પુરસ્કાર માટે ધનજીભાઈ વિશ્વબંધુની ભલામણ નાયબ કલેકટર દ્વારા રાજ્યના ગૃહવિભાગના ઉપસચિવને કરવામાં આવી હતી. ગાંધી મૂલ્યો, આદર્શો, સિદ્ધાંતો અને વિશ્વ શાંતિ માટે તેમના દ્વારા થઇ રહેલા પ્રયાસો અને તેમના દ્વારા પ્રકાશિત ચોપાનિયા અંગે રાજ્યના મુખ્યમંત્રી વિજય રૂપાણી દ્વારા પણ સલાહના કરવામાં આવી હતી.