કાર્યવાહી:પાટણ શહેરમાં માસ્ક વગરના લોકો સામે પોલીસની લાલ આંખ, માસ્કનો દંડ ભરવા માટે પોલીસ અને રાહદારી વચ્ચે રકઝક

છેલ્લા બે દિવસથી પાટણ શહેરમાં કોરોના કેસોમાં નોંધપાત્ર વધારો થઇ રહ્યો હોવાથી વહીવટી તંત્ર સહિત આરોગ્ય તંત્ર તેમજ પોલીસ તંત્ર સતર્ક બની છે. શુક્રવારે વહેલી સવારે પાટણના બગવાડા ખાતે પોલીસની ડ્રાઇવ શરૂ થઈ હતી. જેમાં માસ્કનો દંડ ભરવા માટે પોલીસ અને રાહદારી વચ્ચે રકઝક થઇ હતી.

પોલીસ ડ્રાઇવમાં માસ્ક વગરના વાહન ચાલકો રાહદારીઓ સહિતના લોકોને અટકાવી દંડની રકમ વસૂલ આવતી હતી તે વખતે એક રાહદારી શિક્ષકના ગળામાં રૂમાલ હતો પણ રૂમાલથી મોઢું ઢાંકયુ ન હતું. તેમને પોલીસ કર્મચારીએ રોકતા પોલીસ સાથે રકઝક થઇ હતી.

પોલીસ રાહદારીને હજાર રૂપિયા રકમ ભરવા કહેતા તેમણે ઉશ્કેરાઈને રકમ ભરવાનો ઇન્કાર કર્યો હતો અને પોલીસના આ વ્યવહારથી ઊંચા ઊંચા અવાજે બોલવા લાગ્યા હતા. આ મામલે સમગ્ર લોકો એકઠા થઇ ગયા હતા. આખરે શિક્ષકને રૂપિયા ભરીને પોલીસના ચુંગમાંથી નીકળવું પડ્યું હતું.