વર્કશોપ:પાટણના રિજિયોનલ સાયન્સ સેન્ટરમાં માનવ વિજ્ઞાન પર વૈજ્ઞાનિક-શો અને વર્કશોપનું આયોજન

ગુજરાત સરકારના વિજ્ઞાન અને પ્રૌધોગિકી વિભાગના નેજા હેઠળ કાર્યરત ગુજરાત કાઉન્સિલ ઓન સાયન્સ એન્ડ ટેક્નોલોજી દ્વારા પાટણમાં રિજિયોનલ સાયન્સ સેન્ટર વિકસાવવામાં આવ્યું છે. રિજિયોનલ સાયન્સ સેન્ટરમાં આજે 09 ડિસેમ્બર 2022ના રોજ માનવ વિજ્ઞાન પર વૈજ્ઞાનિક-શો અને વર્કશોપનું આયોજન કરવામાં આવ્યું હતું.

આ વર્કશોપમાં 200થી વધુ વિદ્યાર્થીઓ અને શિક્ષકોએ ભાગ લીધો હતો. સાયન્સ સેન્ટરના પ્રોજેક્ટ ડાયરેક્ટર ડૉ.સુમિત શાસ્ત્રીએ આવેલા વિદ્યાર્થીઓ અને શિક્ષકોને વિજ્ઞાન અને ટેકનોલોજીને લોકપ્રિય બનાવવામાં સાયન્સ સેન્ટરની ભૂમિકા વિશે સમજાવ્યું હતું.

ત્યારબાદ, નિષ્ણાત ગાઈડ દ્વારા માનવ વિજ્ઞાનના વિવિધ પાસાઓના નિદર્શન ઇન્ટરેક્ટિવ મોડલ દ્વારા તથા વૈજ્ઞાનિક-શો ના પ્રદર્શન દ્વારા કરવામાં આવ્યું હતું. ત્યારબાદ, વિદ્યાર્થીઓ અને શિક્ષકોએ રિજિયોનલ સાયન્સ સેન્ટરની વિવિધ ગેલેરીઓની મુલાકાત કરી અને 5-ડી થિયેટર તથા વર્ચ્યુઅલ રિયાલિટી જેવી અદ્યતન ટેકનોલોજી નિહાળી હતી.