• Gujarati News
  • Local
  • Gujarat
  • Patan
  • Now Instead Of 3 Years Of Study In College, In Which Degree (result) Will Be Obtained According To The Score Obtained From The Score Of 120 In 3 Years And 160 In 4 Years.

નવી શિક્ષણ નીતિ:કોલેજમાં હવે અભ્યાસ 3ના બદલે 4 વર્ષ, જેમાં 3 વર્ષમાં 120 અને 4 વર્ષમાં 160 ના સ્કોરમાંથી મળેલ સ્કોર પ્રમાણે ડિગ્રી (પરિણામ) મળશે

પાટણએક મહિનો પહેલાલેખક: તેજસ રાવળ
  • કૉપી લિંક
હેમચંદ્રાચાર્ય યુનિવર્સિટીમાં રાષ્ટ્રીય શિક્ષણ નીતિ અંગે ઉત્તર ગુજરાતના કોલેજોના પ્રોફેસરો અને પ્રિન્સિપાલોને માર્ગદર્શન આપવામાં આવ્યુ હતું. - Divya Bhaskar
હેમચંદ્રાચાર્ય યુનિવર્સિટીમાં રાષ્ટ્રીય શિક્ષણ નીતિ અંગે ઉત્તર ગુજરાતના કોલેજોના પ્રોફેસરો અને પ્રિન્સિપાલોને માર્ગદર્શન આપવામાં આવ્યુ હતું.
  • કોલેજના છાત્રો અભ્યાસની સાથે સ્કિલ આધારિત સર્ટિફિકેટ કોર્સ કરી શકશે જેથી ડિગ્રી બીજા ફિલ્ડમાં હશે તો પણ સર્ટિફિકેટ આધારે નોકરી મેળવી શકશે
  • છાત્રોને ABC સિસ્ટમ પ્રમાણે ડિગ્રી મળશે

ઉત્તર ગુજરાતની તમામ યુનિવર્સિટીઓ સહિત દેશભરમાં નવીન રાષ્ટ્રીય શિક્ષણ નીતિ 2020 નવીન શૈક્ષણિક વર્ષથી ક્રમશઃ અમલીકરણ કરાશે. રાષ્ટ્રીય શિક્ષણ નીતિમાં છાત્રો મુક્ત રીતે શૈક્ષણિક કાર્ય સાથે સ્કિલ પ્રમાણે મનપસંદ કોર્સ કરી ડિગ્રી લઈ શકશે. સાથે હવે કોલેજમાં ચાલતા અભ્યાસક્રમ ત્રણ વર્ષના બદલે સળંગ ચાર વર્ષનો રહેશે.જેમાં છાત્રોને વર્ષ પ્રમાણે ડિગ્રી મળવા પાત્ર રહેશે.

જે ડિગ્રી સેમેસ્ટર પ્રમાણે નહીં પરંતુ દરેક સેમમાં મુખ્ય વિષયના 70 ટકા અને અન્ય કોર્ષ સહિતની પ્રવૃત્તિઓ આધારિત 30 ટકા મળી નક્કી કરાયેલા સ્કોર તેમના એકેડમીક એકાઉન્ટ (ક્રેડિટ)માં જમા થશે.જેના આધારિત ડિગ્રી (મેરીટ)બનશે જેથી છાત્રો હવે અધવચ્ચે અભ્યાસ છોડશે તો પણ તેમનો સમગ્ર અભ્યાસ બગડશે નહીં અને જેટલા વર્ષ તેવો અભ્યાસ કર્યો હશે તે પ્રમાણે સર્ટિ અને ડિગ્રી મળશે.

તો છાત્રને જે તે કોલેજમાં પ્રવેશ લીધો હોય ત્યાં મુખ્ય વિષયો સિવાયના મનપસંદ વિષયમાં અન્ય કોઈપણ યુનિવર્સિટીની કોલેજમાં અભ્યાસ કરી શકશે. ઉપરાંત અભ્યાસની સાથે અન્ય સ્કિલ પ્રમાણે સર્ટિફિકેટ કોર્સ તેમજ એક સાથે બે યુનિવર્સિટીઓમાં અભ્યાસ કરવાની સ્વતંત્રતા મળશે.

આ કોષ્ટકથી સમજો એકેડમીક બેંક ઓફ ક્રેડિટ (ABC સિસ્ટમ)

ક્રમકેટેગરી ઓફ કોર્સ(ક્રેડિટ) 3 વર્ષ(ક્રેડિટ) 4 વર્ષ
1મુખ્ય વિષય-16080
2મુખ્ય વિષય-22432
3મલ્ટી ડિસ્પ્લેનરી વિષય99
4A.C.G88
5S.E.C99
6વેલ્યુ એડેડ કોર્સ06/0906/08
7S.M02/0402/04
8રિસર્ચ પ્રોજેક્ટ012
9વિથાઉટ રિસર્ચ012
કુલ120160

AEGનું પૂરું નામ : ability enhancement courses SECનું પૂરું નામ : Skil enhancement courses S.M નું પૂરું નામ : summer intenship

અમલીકરણ માટે યુનિ.અને સરકારે યોગ્ય માળખું ઉભું કરવું પડશે
કોલેજ આચાર્ય મંડળ પ્રમુખ ડૉ.લલિત પટેલે જણાવ્યું કે હાલમાં જે શિક્ષણનીતિ છે તે બંધીયાળ છે. નવી રાષ્ટ્રીય શિક્ષણ નીતિમાં છાત્રોને સ્વતંત્ર રીતે શિક્ષણ મેળવવાની છૂટ મળશે. કોલેજો અમલીકરણ કરવા માટે તૈયાર છે. પરંતુ તેના માટે પહેલા યુનિવર્સિટી અને સરકારે માળખું ઉભુ કરવું પડશે.કોલેજોમાં પૂરતો સ્ટાફ અન્ય યુનિવર્સિટી સાથે જોડાણ અને સ્ટ્રક્ચર પૂરું પાડવું પડશે તેમજ વહીવટી ગૂંચવણો છે તે દૂર કરવી પડશે.તો જ કોલેજો અમલીકરણ કરી શકશે નહીં તો સ્ટાફ અને સ્ટ્રક્ચર વગર શક્ય બનશે નહીં

લાભ |અધવચ્ચે અભ્યાસ છોડશો તો પણ વર્ષ પ્રમાણે ડિગ્રી મળશે.....

  • પ્રથમ વર્ષ પૂર્ણ કરશે તેમને અભ્યાસનું સર્ટિ મળશે
  • બીજું વર્ષ પૂર્ણ કરશે તેને ડિપ્લોમાની ડિગ્રી મળશે
  • ત્રીજું વર્ષ કરશે તેને સ્નાતકની ડિગ્રી મળશે
  • ચોથું વર્ષ પૂર્ણ કરશે તેનું એક વર્ષના માસ્ટર સાથેની ડિગ્રી મળશે

જૂન 2023થી અમલીકરણ શરૂ થશે
યુનિવર્સિટીના કુલપતિ ડૉ.જે.જે. વોરાએ જણાવ્યું કે રાષ્ટ્રીય શિક્ષણ નીતિ 2020 રીતે યુનિવર્સિટીએ મંજૂર કરી છે. તેના અમલીકરણ માટેની પ્રક્રિયા પણ શરૂ થઈ છે. નવીન શૈક્ષણિક વર્ષ જૂન 2023 થી ક્રમશઃ અમલીકરણ પણ શરૂ થશે. જેમાં સૌપ્રથમ વિદ્યાર્થીઓને ટ્રાન્સફર આપવાનું, વર્ષ પ્રમાણે સર્ટિ આપવા, ચાર વર્ષના યુદ્ધના પ્રોગ્રામ અંતર્ગત નવા અભ્યાસક્રમ બનાવવા માટે એકેડમીકમાં ઠરાવ અને સ્ટાફ તેમજ છાત્રો તૈયાર થાય માટે વિવિધ સેમિનાર કરાશે.

અન્ય સમાચારો પણ છે...