કૃષિ:રાધનપુર પંથકમાં નર્મદા સિંચાઈથી ઘઉં,ચણા,એરંડા,અજમાની ખેતી સુધરી

પાટણ જિલ્લામાં નપાણીયા અને દુષ્કાળગ્રસ્ત વિસ્તાર તરીકે પ્રખ્યાત રાધનપુર પંથકમાં નર્મદાના નીર આવતાં ખેડૂતોની સ્થિતિ તો સદ્ધર બની છે, સાથે-સાથે આ વિસ્તારની નપાણીયા વિસ્તારની ઓળખ પણ ભૂસાઈ છે. રાધનપુર સબ બ્રાન્ચ કેનાલમાંથી રાધનપુર તાલુકાના બંધવડ,સુલતાનપુરા,પોરાણા,કોલાપુર, શેરગંજ,સિનાડ,સરદારપુરા,રાધનપુર,શબ્દલપુરા,શેરગઢ,સાતુન,કમાલપુર અને દેલાણા ગામના ખેડૂતો રવિપાક માટે પાણીનો ઉપયોગ કરીને ઘઉં,ચણા,એરંડા,અજમો સહિતના પાકો લઇ રહ્યા છે. આ ઉપરાંત રાધનપુર સબ કેનાલમાંથી સુબાપુરા,મોટીપીંપળી,વારાહી,ગોખાન્તર,ગડસાઈ, લુણીચાણા ડિસ્ટ્રીબ્યુટરી કેનાલો નીકળે છે, જેમાંથી રાધનપુર અને સાંતલપુર તાલુકાના ખેડૂતો વિવિધ પાકો લઇ રહ્યા છે.