ધરપકડ:અબિયાણા પ્રાથમિક શાળામાં કોમ્પ્યુટર ચોરી કરનારો મહેસાણાનો ચોર ઝડપાયો

બે વર્ષ અગાઉ અબિયાણા ગામની પ્રાથમિક શાળામાંથી કોમ્પ્યુટર સેટની ચોરી કરનાર મહેસાણાના લશ્કરી કૂવા વિસ્તારના રીઢા ચોરને સમી પોલીસે પકડી પાડ્યો હતો. આ શખ્શ ડફેર ગેંગનો સાગરીત હોવાથી પાટણ અને મહેસાણા જિલ્લાઓમાં આશરે 25 જેટલી ચોરીઓના ગુનામાં પકડાયેલો છે.સમી પોલીસ પેટ્રોલિંગમાં હતી તે વખતે 4 ફેબ્રુઆરીએ અમરાપુર ગામના સુરેશજી માનાજી ઠાકોર પાસેથી સીપીયુ, મોનિટર, કીબોર્ડ મળી આવ્યા હતા.

આ અંગે પુછપરછ હાથ ધરતાં આ કોમ્પ્યુટર સેટ અબિયાણા પ્રાથમિક શાળાનું હોવાનું બહાર આવ્યું હતું. સમી પોલીસે સુરેશ ઠાકોરની પૂછપરછ કરતા આ કોમ્પ્યુટર સેટ તેને બુઢિયા નામના ડફેરે આપ્યો હોવાનું જણાવતા પોલીસે મહેસાણાના લશ્કરી કૂવાના તાજન ઉર્ફે બુઢીયો રમઝાન સિંધીને ઝડપી લીધો હતો.

બે શખ્સોએ ચોરી કરી હતી
અમરાપુર પાર્ટીના અબ્દુલ ઉર્ફે બિલ્લો મતું સિંધીએ ભેગા મળી બે વર્ષ અગાઉ અબિયાણા પ્રાથમિક શાળામાંથી કોમ્પ્યુટર સેટની ચોરી કરી હોવાની કબુલાત કરી હતી.