લોકમેળો રદ:અધાર ગામે કુવારીકા માતાજીનો બે દિવસીય ભરાતો લોકમેળો કોરોનાના કારણે બંધ રખાયો

પાટણ નજીક આવેલ અધાર ગામે બિરાજમાન કુવારીકા માતાજીના મંદિરે આગામી 11 અને 12 એપ્રિલના રોજ ભરાતો પરંપરાગત લોકમેળો કોરોનાની વૈશ્વિક મહામારીને લઈ ચાલુ સાલે બંધ રાખવા સમસ્ત ગ્રામજનો દ્વારા નિર્ણય લેવાયો છે. જોકે દર્શનાર્થીઓ માટે મંદિર ખુલ્લું રહેશે એવો નિર્ણય લેવાયો છે. અધાર ગામે બિરાજમાન કુવારીકા માતાજીના પ્રસિદ્ધ મંદિરે ફાગણ વદ અમાસના દિવસે પરંપરાગત લોકમેળો ભરાય છે. પરંતુ છેલ્લા એક વર્ષ ઉપરાંત સમયથી કોરોના મહામારીના કારણે ગત વર્ષે મેળો મોકૂફ રખાયો હતો. જેમાં ચાલુ સમયમાં વધતા કોરોના મહામારીના કેસોને લઈ આગામી 11 અને 12 એપ્રિલે યોજાનાર લોકમેળો આ વર્ષે પણ મોકૂફ રાખવાનો નિર્ણય લેવાયો છે. જેની સમગ્ર ધર્મપ્રેમી જનતાએ નોંધ લેવી તેવું સમસ્ત અધાર ગ્રામજાણોએ બેનરો ગામમાં લગાવ્યા છે.