ક્રાઇમ:સમાધાન માટે બોલાવી કિમ્બુવાના યુવાન પર 3 શખ્સોનો ચપ્પુથી હુમલો

સરસ્વતી તાલુકાના કિમ્બુવા ગામના ત્રણ શખ્સો અભ્યાસ કરતી ગામની છોકરીને હેરાન કરતા હોય તે બાબતે તેના કાકાના દિકરાઅે ઠપકો અાપ્યો હતો. જેનુ મન દુ:ખ રાખીને ત્રણ શખ્સોઅે પાટણ પાલિકા બજાર ખાતે સમાધાન કરવા બોલાવીને ચપ્પા ઘા મારી ઇજાઅો પહોંચાડી હતી. આ અંગે પોલીસે કિંમ્બુવના ત્રણ સામે ગુનો નોંધ્યો છે.

કિમ્બુવા ગામે રહેતા મીતકુમાર જ્યંતિભાઈ પટેલના કાકાની દિકરી જે પાટણ ખાતે અભ્યાસ કરતી હોઈ તેને ગામના છોકરા હેરાન કરતા હોવાની વાત તેના ભાઇ મીતને કરતા અા બાબતે નાઇ હર્ષદકુમાર ઠપકો આપતાં મનદુ:ખ રાખીને બુધવારે બપોરે પાટણ પાલિકા બજાર અાગળ સમાધાન કરવા કહીને મીતકુમારને બોલાવ્યા હતા. ત્યારે ત્રણ શખ્સોએ ઉશ્કેરાઇ જઇને ચપ્પા વડે ઘા ઝીંક્યા હતા. ગડદાપાટુનો માર મારતા બુમા બુમ કરતા લોકો છોડાવવા દોડી અાવ્યા હતા. અા અંગે મીતકુમાર પટેલે પાટણ બી ડીવીઝન પોલીસ મથકે ઠાકોર કિશોર ઉર્ફે કિશન વજેસંગ, રાવળ સંજયકુમાર રોહિતભાઇ, નાઇ હર્ષદકુમાર નરેન્દ્રભાઇ સામે ફરિયાદ નોંધાવી હતી.