• Gujarati News
  • Local
  • Gujarat
  • Patan
  • In Wagdod, Four Persons Clashed With The Police Who Had Gone To Investigate The Accused Of Prohibition Crime And Threatened Them.

ફરજમાં રૂકાવટનો આક્ષેપ:વાગડોદમાં પ્રોહિબીશનના ગુનાના આરોપીની તપાસમાં ગયેલી પોલીસ સાથે ચાર વ્યક્તિઓએ બોલાચાલી કરી ધમકી આપી

પાટણએક મહિનો પહેલા
  • કૉપી લિંક
  • આરોપીના ઘરનાં સભ્યોએ સરકારી કામગીરીમાં અડચણ કરતા પોલીસ ફરિયાદ નોંધાઈ

સરસ્વતિ તાલુકાનાં વાગડોદ ગામે પ્રોહિબીશનનાં ગુનાના આરોપીની તપાસમાં ગયેલી વાગડોદ પોલીસ સ્ટેશનનાં કર્મચારીઓ ઉપર આરોપીના પરિવારજનોએ ઉશ્કેરાઇ જઇને તેમની સાથે બોલાચાલી કરી હતી. તેમજ ધમકીઓ આપી પોલીસને તેની સરકારી કામગીરીમાં અડચણરુપ બની હાની પહોંચાડી હતી. આ બનાવ અંગે પોલીસે ચાર વ્યક્તિ સામે વાગડોદ પોલીસ મથકે ફરિયાદ નોંધી હતી.
​​​​​​​બાતમીના આધારે પોલીસ તપાસ માટે ગઈ હતી
આ પોલીસ સ્ટેશનમાં દાખલ થયેલા પ્રોહિબીશનના ગુનાનાં એક આરોપી અંગે અત્રેનાં હેડ કોન્સ્ટેબલ શૈલેષસિંહને બાતમી મળી હતી કે, આરોપી તેમનું બાઇક લઇને તેમનાં ઘરે આવ્યાં છે જે બાતમીના આધારે શૈલેષસિંહ અને અન્ય કોન્સ્ટેબલ બંને જણા તપાસ માટે તેમનાં ઘેર જતાં આરોપી ઘેર હાજર મળ્યા ન હોતા. પણ તેમનું બાઇક ઘરની આગળ પડેલું હતું. જે અંગે પોલીસે તેમને પૂછપરછ કરતાં ઘરનાં ચાર વ્યક્તિઓ ઉશ્કેરાઇ ગયા હતા અને પોલીસને ધમકીઓ આપી હતી. તેમજ બુમો પાડવા લાગ્યા હતા. આ બનાવ અંગે પોલીસે ચાર સામે ગુનો નોંધ્યો હતો.

અન્ય સમાચારો પણ છે...