કાર્યવાહી:વાઘરોલમાં દોઠ માસ અગાઉની ચોરીમાં 4 શખ્સો પકડાયા

સિધ્ધપુર તાલુકાના વાઘરોલ ગામે દોઢેક માસ અગાઉ થયેલી ચોરીની ઘટનામાં પોલીસે ચાર શખ્સો પકડી પાડી ચોરીનો ભેદ ઉકેલી નાખ્યો છે. દોઢેક માસ અગાઉ વાઘરોલ ગામે રાતના સમયે બંધ મકાનમાંથી ઈલેક્ટ્રીક સામાન અને રોકડની ચોરી થઈ હતી. તે પૈકીનું સોની કંપનીનું ટીવી સહેસા ગામના પુનાજી લાલજી ઠાકોરે તેમના ઘરે છુપાવી રાખ્યું છે તેવી પોલીસને બાતમી મળતા પોલીસે પુનાજી ઠાકોરને ટીવી સાથે પકડી લીધો હતો.

પોલીસ સ્ટેશનમાં લાવી પૂછપરછ કરતા 21 ઓક્ટોબરે અન્ય 3 શખ્સો મળી ચોરી કર્યાની કબુલાત કરી હતી. બાદમાં પોલીસે મૂળ બહુચરાજીના રણેલા ગામના અને અમદાવાદ ખાતે રહેતા સંજયજી બાલાજી ઠાકોર, સહેસાનો કલ્પેશ પ્રભાતભાઈ રબારી, મૂળ ચાણસ્મા સુણસરના અને અમદાવાદ ખાતે રહેતા વિક્રમજી શાંતુજી ઝાલાને પકડી લીધા હતા. એલઈડી ટીવી, એસી, બે નાના સ્પીકર, એરકુલર, 3 મોબાઇલ સહિતનો મુદ્દામાલ જપ્ત કર્યો હતો.