તસ્કરી:સમીના નાયકા ગામે ખેડૂતના મકાનમાંથી રોકડ સહિત રૂ. 2.43 લાખની મત્તા ચોરાઈ

સમીના નાયકા ગામે કમાભાઇ વીરાભાઇ વણકર ખેતી કરી પરીવારનુ ગુજરાન ચલાવે છે. ત્યારે ગુરૂવારે તેમની પત્ની સાથે સવારે અાઠ વાગે ખેતરમાં જીરૂનુ નીંદામણ કરવા સારૂ ગયા હતા. તેમનો દિકરો જીતુભાઇ ખેતરમાં રાતવાસો રોકાયેલ હતો .તેના માતા -પિતા ખેતર અાવતા તે ઘરે જવા નિકળ્યો હતો તે ઘરે જઇને જોયુ તો ખડકીનુ તાળુ ખોલી અંદર જતા ઘરના દરવાજાનુ તાળુ તૂટેલું હતું. તેમજ અંદર કબાટનુ તાળુ તુટેલ સામાન ઘરમાં વેરણ છેરણ પડેલ હતો. ઘરમાં તપાસ કરતાં સોનાચાંદીના 16 દાગીનાની કિ.રૂ. 1.32 લાખ તેમજ જીરૂ અને ભેંસ વેચાણના રોકડ રૂ. 80000 મળી કુલ રૂ. 2.43 લાખની ચોરી થતા સમી પોલીસ મથકે ફરિયાદ નોંધાવી હતી.

મેલુસણ ગામે દૂકાનનાં પતરાં તોડી ચોરી
પાટણ-શિહોરી હાઈવે રોડ પર આવેલ મેલુસણ ગામની બ્રહ્માણી એગ્રો અને સીએસસી ઓનલાઈન કોમ્પ્યુટરની દુકાનમાંથી ગુરૂવારે રાત્રે તસ્કરોએ દુકાનના છતના પતરાં તોડીને અંદર પ્રવેશી રૂ. 2000 રોકડ રકમ અને ઓનલાઈન કોમ્પ્યુટરની દુકાનમાંથી ગાય માતાના ડબ્બામાંથી રૂ.4600 મળી કુલ મળી રૂ. 6600ની મત્તા ચોરી ગયા હતા.