ઘરોમાં વેચાય છે પ્રતિબંધિત દોરી:પાટણમાં રૂપિયા કમાવાની લાલચે યુવાનો ચાઈનીઝ દોરીનું ઘરોમાં જ કરી રહ્યા છે વેચાણ, ખૂબ મોટો જથ્થો શહેરમાં લવાયો હોવાની ચર્ચાઓ

પાટણ13 દિવસ પહેલા
  • તંત્ર દ્વારા કોઈ તપાસ હાથ ન ધરાતાં ખાનગીમાં લોકો ચાઈનીઝ દોરી ખરીદી રહ્યા છે
  • 125 રૂપિયાનું એક રીલ 250 રૂપિયામાં વેચી કમાણી કરી લેવાની ફિરાકમાં યુવાનો

પાટણ શહેરમાં ગઈકાલે સોમવારે વીડિયો વાઇરલ થયા બાદ તપાસ કરતા જાણવા મળ્યું હતું કે ઉત્તરાયણમાં ચાઇનીઝ દોરીના વેચાણ પર, ઉપયોગ પર પ્રતિબંધ મૂકવામાં આવ્યો છે. છતાં પણ પાટણ શહેર સહિત તાલુકાના યુવાનો બહારથી ચાઈનીઝ દોરી દુકાનોની જગ્યાએ ઘરે-ઘરે મોટા પ્રમાણમાં વેચી રહ્યા છે.

પાટણ શહેરમાં ગઈકાલે સોમવારે ચાઈનીઝ દોરીની ખરીદીનો વીડિયો વાઇરલ થયા બાદ તપાસ કરતા જાણવા મળ્યું હતું કે ચાઇનીઝ દોરી પર પ્રતિબંધ હોવા છતાં પાટણના યુવાનો રૂપિયા કમાવવાની લાલચમાં ખાનગી રીતે ઘરોમાં જ વેચાણ કરી રહ્યા છે. ત્યારે દિવ્ય ભાસ્કર ડિઝિટલ દ્વારા ખાનગીમાં વેચાણ કરતા એક યુવાનને પૂછતાં તેણે જણાવ્યું હતું કે, "અમે ચાઈનીઝ દોરીના રીલ સુરત, અમદાવાદથી 125 રૂપિયામાં આવે છે અને પાટણમાં 250 રૂપિયામાં એક રીલનું વેચાણ ખાનગીમાં કરીએ છીએ. જેથી એક રીલ વેચવાથી રૂ. 125 મળે છે. અમે કોઈ ગ્રાહકનો ફોન કે મેસેજ આવે તો તેને સ્થળ પર જ દોરી આપી આવીએ છીએ. તો કેટલાકને ઘરે બોલાવીને વેચીએ છીએ." આમ પ્રતિબંધિત હોવા છતાં પણ ચાઈનીઝ દોરીનો ખૂબ જ મોટો જથ્થો પાટણ શહેરમાં વેચાણ માટે લવાયો છે. કેટલાક યુવાનો આ ચાઇનીઝ દોરી વેચીને રૂપિયા કમાવી લેવાની ફિરાકમાં છે તેવું સૂત્રોએ જણાવ્યું હતું.

અન્ય એક યુવાનને પૂછતાં તને જણાવ્યું હતું કે, "હું 22 જેટલા રીલ લાવ્યો છું. જે વડલી ગામનો એક યુવાન આપી જાય છે. હવે 10 રીલ પડ્યા છે. યુવાનને ચાઈનીઝ દોરી પર પ્રતિબંધ છે એમ જણાવાતાં યુવાને કહ્યું હતું કે "મને ખબર છે, પણ આવી ગઈ તો શું કરું?" ઉપરાંત યુવાને પાટણમાં ઘણા લોકો ચાઈનીઝ દોરી વેચે છે એમ જણાવ્યું હતું.

અન્ય સમાચારો પણ છે...