ભાસ્કર વિશેષ:પાટણ જિલ્લામાં 345 ડ્રોપ આઉટ બાળકો મળ્યા, ખેતીમાં મદદરૂપ થવા જેવા કારણોસર બાળકો અધવચ્ચે અભ્યાસ છોડી દેતા હોય છે.

બાળકો નિરક્ષર ન રહી જાય તે માટે શાળાએ ન ગયેલા અને અધવચ્ચે અભ્યાસ છોડી દીધો હોય તેવા બાળકોનો પાટણ જિલ્લામાં સર્વ શિક્ષા અભિયાન દ્વારા સર્વે કરવામાં આવ્યો હતો. જેમાં શાળાએ ન ગયેલા અને ડ્રોપ આઉટ થયેલા 345 બાળકો મળી આવ્યા છે. આ બાળકોને નવા શૈક્ષણિક સત્રથી શાળામાં પ્રવેશ અપાશે. તેમજ પાંચથી વધુ બાળકો હોય તેવા સ્થળ ઉપર વર્ગો શરૂ કરી બાળકોને શિક્ષણ કાર્ય કરાવાશે. અને ત્યારબાદ તેઓને શાળામાં પ્રવેશ કરાવાશે.

ખેતીમાં પરિજનોને મદદરૂપ થવા જેવા વિવિધ કારણોસર બાળકો શાળામાંથી અધવચ્ચે અભ્યાસ છોડી દેતા હોય છે. ગંભીર બીમારી, દિવ્યાંગતા જેવા કારણોસર કેટલાક બાળકો શાળાએ ગયા હોતા નથી. આવા બાળકો શિક્ષણથી વંચિત ન રહી જાય તે માટે સર્વ શિક્ષા અભિયાન અંતર્ગત જિલ્લાના ગામોમાં સર્વે કરાતાં કુલ 345 બાળકો મળી આવ્યા છે.

જેમાં સૌથી વધુ ચાર તાલુકાઓમાં ડ્રોપ આઉટ બાળકોનું પ્રમાણ વધારે છે. સિદ્ધપુર તાલુકામાં 133 બાળકો, સમી તાલુકામાં 47, રાધનપુર અને સાંતલપુર તાલુકામાં 37 બાળકો છે. આ 345 બાળકો શિક્ષણથી વંચિત ન રહી જાય તે માટે નવા શૈક્ષણિક સત્રથી શાળામાં પ્રવેશ આપવામાં આવશે. તેમજ જ્યાં પાંચથી વધુ બાળકો છે તેવા સ્થળો પર વર્ગો શરૂ કરી બાળકોને શિક્ષણ અપાશે.

સર્વેમાં ક્યાં કેટલા બાળકો મળ્યા