• Gujarati News
  • Local
  • Gujarat
  • Patan
  • He Said About Former General Minister KC Patel If He Considers Himself As His Grandfather, Then Tell Him That There Is Only One Grandfather In This World.

કિરિટ પટેલનો વીડિયો વાયરલ:પૂર્વ મહામંત્રી કે.સી પટેલને લઇને કહ્યું - એ એમની જાતને દાદા સમજતા હોય તો એમને કહી દેજો કે આ દુનિયામાં બેજ દાદા છે'

પાટણ13 દિવસ પહેલા

ગુજરાત વિધાનસભાની ચૂંટણીને ગણતરીના દિવસો બાકી રહ્યા છે.ત્યારે તમામ રાજકીય પક્ષો મતદારોને આકર્ષવા માટે અવનવા પેતરા અજમાવી રહ્યા છે.ત્યારે ચૂંટણી પહેલા પાટણ કોગ્રેસના ઉમેદવાર કિરીટ પટેલનો એક વીડિયો સોશિયલ મીડિયામાં વાયરલ થતા પાટણનું રાજકારણ ગરમાયું છે. વીડિયોમાં કિરીટ પટેલ જણાવી રહ્યા છે કે, કે.સી પટેલ તેમનો પેટ્રોલ પંપ ન બચાવી શક્યા તો આપડી ગાયોને કેવી રીતે બચાવશ? એ એમની જાતને દાદા સમજતા હોય તો એમને કહી દેજો કે આ દુનિયામાં બેજ દાદા છે હનુમાન દાદા અને ગણપતિ દાદા છે.

પાટણ વિધાનસભા બેઠક પર ત્રી પાખીયો જંગ થવા જઈ રહ્યો છે ત્યારે ભાજપે રાજુલબેન દેસાઈને ટિકિટ આપી છે. જ્યારે કોંગ્રેસે કિરીટ પટેલ અને આમ આદમી પાર્ટીએ લાલેશ ઠક્કરને ચૂંટણીના મેદાનમાં ઉતાર્યા છે.ત્યારે ત્રણે ઉમેદવાર દ્વારા ગામડાઓ અને શહેર માં પ્રચાર પ્રસાર કરી મતદારો ને રિઝવી રહ્યા છે. ત્યારે કોંગ્રેસના ઉમેદવાર કિરીટ પટેલ તેમના સભાનો એક વીડિયો કારણે વિવાદમાં આવ્યા છે.

પાટણમાં બીજા તબક્કામાં ચૂંટણી યોજાવાની છે જેને લઈ હાલમાં ચૂંટણીનો પ્રચાર પ્રસાર માટે સભાઓ યોજાઈ રહી છે. ત્યારે સબોસણ ગામે ચૂંટણી પ્રચાર દરમિયાન કિરીટ પટેલે ગુજરાત પ્રદેશ ભાજપના પૂર્વ મહામંત્રી કે.સી પટેલ પર આકરા પ્રહાર કર્યા હતા. જેનો વીડિયો સોશિયલ મીડિયામાં વાયરલ થયો છે. જેમાં કિરીટ પટેલ જણાવી રહ્યા છે કે, કે.સી પટેલ તેમનો પેટ્રોલ પંપ ન બચાવી શક્યા તો આપડી ગાયોને કેવી રીતે બચાવશે. એ એમની જાતને દાદા સમજતા હોય તો એમને કહી દેજો કે આ દુનિયામાં બેજ દાદા છે હનુમાન દાદા અને ગણપતિ દાદા છે.

કિરીટ પટેલે કહ્યું કે, 'તમે એવું સમજતા હોય કે અમે આમ કરી લઈશું, તો તમે પાંચમી તારીખ સુધી શાંતિ રાખજો, 8મી તારીખે આપડો વરઘોડો નીકળવાનો છે. નવમીએ આપડે આ દાદાઓનો હિસાબ કરી દઈશું.' તેવું કહેતો વીડિયો સોસીયલ મીડિયા માં વાઇરલ થયો છે. જેના કારણે પાટણ નું રાજકારણ ગરમાયુ છે.

અન્ય સમાચારો પણ છે...