ભૂદેવોની માંગ:સિદ્ધપુરમાં તર્પણ વિધિ માટે વૈકલ્પિક વ્યવસ્થા કરવા સ્થાનિક ભૂદેવોની માંગ, કલેક્ટરે તર્પણ વિધિ માટે જાહેરનામું લંબાવતાં ભૂદેવોની હાલત કફોડી

સિદ્ધપુરમાં તર્પણ વિધિ માટે લંબાવેલ જાહેરનામું રદ કરવામાં આવે અથવા કોઈ વૈકલ્પિક વ્યવસ્થા કરવામાં આવે તેવી માંગ સાથે ભૂદેવોએ કલેકટરને આવેદનપત્ર આપી રજૂઆત કરી હતી. સિદ્ધપુરમાં માત્ર ચૈત્ર અને કારતક માસ પૂરતી જ તર્પણ વિધિ થતી હોય છે. જ્યારે તંત્ર દ્વારા કોરોનાને લઇ માધુપાવડીયા તર્પણ વિધિ પર જામતી ભીડને લઇ સંક્ર્મણ વધતા કલેકટર દ્વારા પ્રથમ 2 ડિસેમ્બર અને ત્યારબાદ 14 ડિસેમ્બર સુધી તર્પણ વિધિ પર પ્રતિબંધ લંબાવી દેવામાં આવતા તર્પણ વિધિ માટે આવતા યજમાનો બંધ થતા ભૂદેવ પરિવારોની આવક બંધ થઇ જવા પામી છે. જે જાહેરનામું રદ કરી અથવા ગાઈડ લાઈનના નિયમો સાથે વૈકલ્પિક વ્યવસ્થા કરી શરૂ કરવામાં આવે તેવી માંગ સાથે આવેદનપત્ર અપાયું હતું.