કોરોનાનો કહેર:કમલીવાડાના આધેડનું મોત, સમીના વેડ ગામમાં એક કેસ

પાટણ તાલુકાના કમલીવાડા ગામના 50 વર્ષીય આધેડનું ધારપુર સિવિલમાં સારવાર દરમિયાન મોત થતાં કુલ મૃત્યુઆંક 74 થયો છે. રવિવારે જિલ્લામાં એક માત્ર કેસ સમી તાલુકાના વેડ ગામમાં નોધાયો હતો. આ સાથે કુલ કેસ 4112 થયા છે. પાટણ જિલ્લામાં દિવાળી પછી તહેવારોના કારણે કોરોનાનો ગ્રાફ ઊંચકાયો હતો. જેને લીધે ચિંતાનો માહોલ સર્જાયો હતો. જોકે ડિસેમ્બરના પ્રથમ અને બીજા સપ્તાહની તુલનાએ ત્રીજા અને ચોથા અઠવાડિયામાં કોરોના કેસોની સંખ્યામાં 58 ટકા જેટલો મોટો ઘટાડો નોંધાયો છે. આ અઠવાડિયામાં માત્ર 48 કેસ સાત દિવસમાં નોંધાયા છે. જ્યાં કોરોના સંક્રમણ ઘટી રહ્યું છે.