પ્રાથમિક શાળાની શરૂઆત:પાટણ જિલ્લાની પ્રાથમિક શાળાઓમાં ધોરણ 6 થી 8ના વર્ગોનો આજથી પ્રારંભ

પાટણ જિલ્લામાં ગુરુવારથી સરકારની સૂચના બાદ સરકારી અને ખાનગી શાળાઓ શરૂ થતા વાલીઓની સમંતિ સાથે આવેલા બાળકોને શિક્ષકો દ્વારા પુષ્પો સાથે ભાવભર્યું સ્વાગત કરી પ્રવેશ આપવામા આવ્યો હતો. પ્રથમ દિવસ હોઈ જિલ્લામાં 30 % બાળકો શાળાએ આવ્યા હતા.

પાટણ જિલ્લામાં ધોરણ 6 થી 8 ની સરકારી ખાનગી શાળાઓમાં લોકડાઉન બાદ સુમસામ જોવા મળતી શાળાઓમાં ફરી બાળકોનું શિક્ષકો દ્વારા ઉત્સાહભેર સ્વાગત કરવામાં આવ્યું હતું.

શાળાએ આવેલા તમામ વિદ્યાર્થીઓના હાથ સૅનેટાઇઝ કરાયા હતા અને ફરજિયાત માસ્ક પહેરાવી બાદમાં સોશ્યલ ડિસ્ટન્સ સાથે બાળકોને વર્ગખંડોમાં બેસાડી શિક્ષણકાર્ય કરાવવામા આવ્યું હતુ.શાળામાં આચાર્ય દ્વારા શિક્ષણ વિભાગની સૂચના મુજબ ફરજીયાત વાલીઓની લેખિતમાં સમંતિ પત્ર બાદ જ બાળકોને શાળામાં શિક્ષકકાર્ય કરવા માટે પ્રવેશ આપવામાં આવ્યો હતો.શાળામાં ધોરણ 1 થી 5 બાળકોનું હાલમાં શિક્ષણકાર્ય બંધ હોઈ શાળાઓમાં સંખ્યા ઓછી જોવા મળી હતી.