ઊજવણી:બિલ્ડર બેબા શેઠે માનસિક વિકલાંગોની સેવા કરી ધન તેરસની ઊજવણી કરી

પાટણના નામાંકિત બિલ્ડર અને બેબાશેઠથી ઓળખાતા ગોરધનભાઈ ઠક્કર ધનતેરશની અનોખી ઉજવણી કરે છે. તેઓ છેલ્લા બાર વર્ષથી ધન તેરશના દિવસે ધનલક્ષ્મીની પૂજા ના કરી શહેરમાં ફરતા દરિદ્ર માણસો એટલે કે મંદબુદ્ધિ માણસોને લાવી તેમને સ્નાન કરાવી તેમના વાળ, નખ કટિંગ કરી, સારા કપડાં પહેરાવી અને સામાન્ય માણસની જેમ તૈયાર કરી તેને તહેવારની ઉજવણી કરવા મીઠાઈ અને પૈસા આપી સાચા અર્થમાં લક્ષ્મી દરિદ્રનારાયણમાં વસેલી હોવાની માની તેમની સેવા કરી અનોખી રીતે ધનતેરસની ઉજવણી કરે છે. આ વર્ષે કોરોના જેવી સ્થિતિમાં પણ તેમને આ વર્ષે દરિદ્રનારાયણનને લાવીને મોઢે માસ્ક શિલ્ડ અને હાથમાં મોજા પહેરીને તેમની સેવા કરી ધનતેરસની ઉજવણી કરી હતી. તેમને જણાવ્યું હતું કે ધન એ નિર્જીવ છે અને દરિદ્ર માણસોમાં દરિદ્ર નારાયણ દરિદ્રોની પૂજા કરવાથી ભગવાનની પૂજા કરી હોય તેવો મને એહસાસ થાય છે.