વિરોધ:વોર્ડ નંબર 9ના 4 વિસ્તારોમાં ભાજપના મહિલા ઉમેદવારને પ્રચાર માટે પાબંદી

શહેરના વોર્ડ નંબર 9ના ચાર વિસ્તારોમાં ભાજપના મહિલા ઉમેદવાર સામે નારાજગી વ્યક્ત કરી પ્રચાર માટે આ વિસ્તારોમાં પ્રવેશ ન કરવાના સોસાયટી બહાર બોર્ડ મારવામાં આવતા રાજકીય વર્તુળો સહીત શહેરીજનોમાં ભારે ચર્ચા જોવા મળી હતી. વોર્ડ બે 9 માં ખેડૂત પુત્રનો વિરોધ કરવા બદલ ભાજપના ઉમેદવાર હીનાબેન શાહ અને ભાજપ સામે નારાજગી વ્યક્ત કરી ઉમેદવાર અને ભાજપવાળાઓએ વિસ્તારમાં પ્રવેશ કરવો નહીં તેવા લીમડીચોક, ઝિણીપોલ, મદારસા અને સાંઈધામ સોસાયટી મળી ચાર વિસ્તારોમાં પ્રતિબંધિત બોર્ડ રાત્રીના સમયે વિસ્તારોમાં મારવામાં આવ્યા હતા.

ભાજપના ઉમેદવાર હીનાબેન શાહે જણાવ્યું હતું કે ક્યાં વિસ્તારોમાં બોર્ડ લાગ્યા છે. મને કોઈ આ બાબતે જાણ જ નથી. હું સવારમાં જ આ વિસ્તારો તરફ પ્રચાર કરવા ગઈ હતી.મારો કોઈ વિરોધ કર્યો નથી.