ક્રાઇમ:પાટણ નાગરિક સહકારી બેંકના પાર્કિંગમાંથી બાઈકની ઉઠાંતરી

પાટણ નાગરિક બેન્કમાં હપ્તો ભરવા આવેલા યુવાનના બાઈકની ઉઠાંતરીની ઘટના સીસીટીવીમાં કેદ થતાં એ ડિવિઝન પોલીસે તપાસ હાથ ધરી છે. શહેરની મોટીસરા વિસ્તારમાં રહેતા જયેશકુમાર કસ્તુરભાઈ મકવાણાએ મકાન માટે નાગરિક બેંકમાંથી લોન લીધેલ હોઈ સોમવારે હપ્તો ભરવા માટે આવ્યા હતા.

બપોરે નાગરિક બેંકમાં હપ્તો ભરવા ગયા ત્યારે કોઈ અજાણ્યા શખ્સો બાઇકની ચોરી ગયા હતા. ત્યારબાદ પરત પાર્કિંગમાં જોતાં બાઈક જણાયું ન હતું. જે અંગે બેંકના સીસીટીવી કેમેરા ચેક કરતા બાઈક ચોરી કરતો એક યુવાન નજરે પડ્યો હતો. આ અંગે પાટણ એ ડિવિઝન પોલીસે કિંમત રૂ. 15 હજારના બાઈક નંબર જીજે 24 ઇ 7477 ની ચોરી અંગે ફરિયાદ નોંધાવતાં પોલીસે તપાસ હાથ ધરી છે.હ્યા છે.