અકસ્માત:ચાણસ્મા–રૂપપુર માર્ગ પર ઈકો ગાડીની ટક્કરે એક્ટિવા ચાલક વિદ્યાર્થિનીનું મોત

પાટણ17 દિવસ પહેલા
  • કૉપી લિંક
  • કોલેજમાંથી પરીક્ષા આપી પરત ફરી રહેલી વિદ્યાર્થિનીને અકસ્માત નડ્યો

પાટણ જિલ્લાના ચાણસ્મા હાઇવે રોડ પર કોલેજમાંથી પરીક્ષા આપીને એક્ટીવા લઈને આવી રહેલી વિદ્યાર્થિનીને પૂરઝડપે આવી રહેલા ઈકો ગાડીના ચાલકે ટક્કર મારી હતી. જેથી વિદ્યાર્થિનું ઘટનાસ્થળે જ મોત થયું હતું.

આ બાબતે મળતી હકીકત મુજબ ચાણસ્મા-રૂપપુર હાઇવે માર્ગ પર આવેલી કોલેજમાં બુધવારના રોજ એક્ટિવા લઇને પરીક્ષા આપવા આવેલી બીજલ પ્રજાપતિ ઉંમર વર્ષ 22 કે જેણી ટી એસ આર કોમર્સ એન્ડ આર્ટ્સ કોલેજમાં છેલ્લા વર્ષમાં અભ્યાસ કરતી હતી. ત્યારે પરીક્ષાનું આજે છેલ્લું પેપર હોય પોતાનું એકટીવા નંબર gj 24 -8081 લઈ ચાણસ્મા ખાતે પરીક્ષા આપવા નીકળી હતી અને પરીક્ષાનું પેપર પૂર્ણ થતા પાટણ ખાતે પરત ફરી રહી હતી.

આ દરમિયાન સામેથી પૂરઝડપે આવી રહેલા ઈકોગાડીના ચાલકે વિદ્યાર્થિનીને ટક્કર મારતા ઘટના સ્થળે જ વિદ્યાર્થિનું મોત નીપજ્યું હતું. આ ઘટનાની જાણ થતા લોકોના ટોળે ટોળા ઘટના સ્થળે ઉમટી પડ્યા હતા. તેમજ પરિવારજનોને જાણ થતા સમગ્ર પરીવારજનો ઘટના સ્થળે દોડી આવ્યાં હતા.

આ અકસ્માતના પગલે પરિવારજનો ઉપર જાણે આભ ફાટ્યું હોય તેવા દ્રશ્યો ઘટના સ્થળે સર્જાયા હતા. આ ઘટનાની જાણ ચાણસ્મા પોલીસને થતાં લાશનું પંચનામું કરી પીએમ ખાતે ચાણસ્મા રેફરલ હોસ્પિટલ ખાતે મોકલી આપી વધુ તપાસ ચાણસ્મા પોલીસે હાથ ધરી હોવાનું સૂત્રોએ જણાવ્યું હતું.

અન્ય સમાચારો પણ છે...