અપહરણ:પાટણમાંથી શ્રમિક પરિવારની 11 વર્ષિય કિશોરીનું અપહરણ

પાટણ જિલ્લામાં પોક્સો એક્ટ 2012 મુજબ અત્યાર સુધીમાં 484 ગુના નોંધાયા છે. ત્યારે તાજેતરમાં પાટણ શહેરમાં એક શ્રમિક પરિવારની કિશોરી ઘરેથી કોઈને કીધા વગર ક્યાંક જતી રહી હોવાની તેની શોધખોળના અંતે કિશોરીની માતાએ પાટણ એ ડિવિઝન પોલીસ મથકે અજાણ્યા સામે ફરિયાદ નોંધાવી હતી.

પાટણ શહેરમાં રહેતા મજુર પરિવારની 11 વર્ષની દીકરીને તારીખ 20/12/2022 રાત્રે રાત્રે નવ વાગ્યાના અરસામાં ઘરેથી કોઈ અજાણ્યો શખ્સ તેને ભગાડી ગયો હોવાની કિશોરીની માતાએ પાટણ બી ડિવિઝન પોલીસ મથકે અજાણ્યા શખ્સ સામે ફરિયાદ નોંધાવી હતી. તેની તપાસ અધિકારી પી.આઈ એમ.એ.પટેલે જણાવ્યું હતું કે કિશોરીના પરિવારે તેની અંગત રીતે શોધખોળ હાથ ધરી હતી પણ કંઈ પત્તો ન લાગતા ગુનો નોંધાયો હતો.કિશોરીની સગાઈ થઈ હોવાથી તે છોકરાએ તેને મોબાઈલ ફોન આપેલ હોય તેના સીડીઆર તપાસ આધારે તપાસ હાથ ધરી છે.