ખેલ મહાકુંભ:સરસ્વતી તાલુકાના સાંપ્રા ખાતે ખો-ખો અને ચાણસ્મામાં રસ્સા ખેંચ સ્પર્ધા યોજાઇ

પાટણ8 દિવસ પહેલા
  • કૉપી લિંક
  • ભાઈઓ અને બહેનો માટેની ખો-ખો સ્પર્ધાની તમામ કેટેગરીમાં સાંપ્રા પ્રાથમિક શાળાની ટીમો વિજેતા બની
  • રસ્સા ખેંચ સ્પર્ધામાં 300 સ્પર્ધકોએ ભાગ લીધો

રમતગમત યુવા અને સાંસ્કૃતિક પ્રવૃતિઓ વિભાગ, ગાંધીનગરની પ્રેરણાથી સ્પોર્ટ્સ ઓથોરીટી ઓફ ગુજરાત, ગાંધીનગર અને જિલ્લા વહીવટી તંત્ર પાટણ દ્વારા આયોજિત અને જિલ્લા રમતગમત અધિકારીની કચેરી, પાટણ દ્વારા સંચાલિત ખેલ મહાકુંભ-2022નું આયોજન હાથ ધરવામાં આવ્યું છે. જે અંતર્ગત પાટણની જિલ્લા કક્ષાની ખેલ મહાકુંભની ખો-ખો સ્પર્ધા સરસ્વતી તાલુકાની સાંપ્રા પ્રાથમિક શાળા ખાતે બે દિવસ દરમિયાન આયોજન કરવામાં આવ્યું હતું.

આ સ્પર્ધામાં અં-14, અં-17, ઓપન એજ એમ ત્રણ વયગૃપના કુલ 350 જેટલા ભાઈઓ બહેનોએ ભાગ લીધો હતો. જેમાં ભાઈઓમાં અં-14, અં-17 અને ઓપન એજમાં તથા બહેનોમાં અં-14, અં-17 અને ઓપન એજ તમામમાં પ્રથમ ક્રમે સાંપ્રા પ્રાથમિક શાળાની ટીમો વિજેતા થઇ હતી.

આ પ્રસંગે એસ.એમ.સી. સાંપ્રાના અધ્યક્ષઅશોકસિંહ વાઘેલા, સાંપ્રા પ્રાથમિક શાળાના આચાર્ય નયનાબેન ઝાલા, જિલ્લા રમતગમત અધિકારી વીરેન્દ્ર સી.પટેલ, પાટણ વ્યાયામ મંડળના પ્રમુખબકુબેરભાઈ ચૌધરી, સ્પર્ધાના સહકન્વિનર અને વ્યાયામ શિક્ષક રાજેન્દ્રકુમાર ચૌધરી, ખો-ખો સ્પર્ધાના કોચ જીમીતભાઈ પટેલ ઉપસ્થિત રહ્યા હતા.

આ ઉપરાંત રસ્સા ખેંચ સ્પર્ધા ચાણસ્મા તાલુકાના સી.કે.પટેલ વિશ્વભારતી વિદ્યામંદિર, મીઠાધરવા ખાતે બે દિવસ દરમિયાન સ્પર્ધાનું આયોજન કરવામાં આવ્યું હતું. આ સ્પર્ધામાં અં-17, ઓપન એજ, અબાઉ 40, અબાઉ 60એમ ચાર વયગૃપના કુલ 300 જેટલા ભાઈઓ બહેનોએ ભાગ લીધો હતો. જેમાં અં-17 ભાઈઓમાં પ્રથમ ક્રમે સિદ્ધપુર તાલુકાના નાગવાસણા માં.શાળા જયારે બહેનોમાં અં-17 માં પ્રથમ ક્રમે ચાણસ્મા તાલુકાની સી.કે.પટેલ વિશ્વભારતી વિદ્યામંદિર, મીઠાધરવાની ટીમ વિજેતા થઇ હતી.

અન્ય સમાચારો પણ છે...