વિધાનસભાની સામાન્ય ચૂંટણી:પાટણની ચાર બેઠકો પર 273 ફોર્મ વિતરણ સામે અંતિમ દિવસે કુલ 83 ફોર્મ ભરાયા

પાટણ જિલ્લાની ચાર બેઠકો ઉપર કુલ 273 ઉમેદવારી ફોર્મનું વિતરણ થયું હતું. જેમાંથી કુલ 83 ઉમેદવારી ફોર્મ ભરાયા છે. જિલ્લામાં રાધનપુરમાં 24, ચાણસ્મામાં 14, પાટણમાં 25 અને સિદ્ધપુર બેઠકમાં 20 ઉમેદવારી ફોર્મ ભરાયા હતા.

શુક્રવારે ઉમેદવારી પત્રોની ચકાસણી થશે
જિલ્લામાં રાધનપુર બેઠક પર સૌથી વધુ 86 ઉમેદવારી ફોર્મનું વિતરણ થયું હતું અને તેની સામે 24 ઉમેદવારી ફોર્મ ભરાયા હતા. ચાણસ્મા વિધાનસભા બેઠક પર 55 ઉમેદવારી ફોર્મનું વિતરણ અને 14 ઉમેદવારી ફોર્મ ભરાયા હતા. પાટણ વિધાનસભા બેઠક પર 57 ઉમેદવારી ફોર્મના વિતરણ સામે 25 ફોર્મ ભરાયા હતા. જ્યારે સિધ્ધપુર બેઠક પર 77 ફોર્મના વિતરણ સામે કુલ 20 ફોર્મ ભરાયા હતા. તારીખ 10 નવેમ્બર થી 17 નવેમ્બર સુધીના એક અઠવાડિયા સુધી ઉમેદવારી ફોર્મનું વિતરણ અને ફોર્મ ભરવાની પ્રક્રિયા ચાલી હતી. આજે ઉમેદવારી ફોર્મ ભરવાનો છેલ્લો દિવસ હતો. શુક્રવારે ઉમેદવારી પત્રોની ચકાસણી થશે.

કોંગ્રેસે સમાજોમાં વેરના બીજ વાવી બેઠકો વધારી પરંતુ આ વખતે લાભ મળશે નહીં : દેવુસિંહ ચૌહાણ
પાટણ શહેરના એમ એન હાઇસ્કુલમાં ભાજપના ઉમેદવારની ઉમેદવારી પહેલા સભા મળી હતી. જેમાં કેન્દ્રીય મંત્રી દેવસિંહ ચૌહાણ સભાને સંબોધન કરતાં જણાવ્યું હતું કે 27 વર્ષથી ગુજરાતમાં કોંગ્રેસને પ્રજા ના જીતાડી તેમની ઓકાત બતાવી દીધી છે. કોંગ્રેસની મત મારી ગઈ છે. સરદાર સાહેબની સન્માનમાં વિધાનસભા મત ચલચિત્ર મુકવા માટે પણ કોંગ્રેસ તૈયાર ન હતી.

ભાજપને રામ કે કામના નામે મત ના મળતાં ધર્મના નામે રાજનીતિ : શકિતસિંહ ગોહિલ
પાટણમાં સંતોકબા હોલ ખાતે કોંગ્રેસ ઉમેદવાર કિરીટ પટેલના સમર્થનમા રાજ્ય સભા સાંસદ શકિતસિંહ ગોહિલની સભા યોજાઈ હતી. જેમાં શક્તિસિંહ સભા સંબોધન કરતાં જણાવ્યું કે ભરોસાની ભાજપ સરકાર સૂત્ર ઉપર કટાક્ષ કરતાં જણાવ્ કે ભરોસાની ભાજપ સરકારે ઉપરા ઉપરી ભ્રષ્ટાચાર રૂપી પાડા આપ્યા છે. વિકાસના કામો કર્યા નથી અને રામના નામે પૈસા ખાઈ ગયા છે.