વિવાદ:પાટણમાં વ્યાજખોરે રિક્ષા ચાલકને માર મારી ધમકી આપતાં પોલીસ ફરિયાદ

પાટણ ચાચરીયા રંગરેજની ખડકીમાં રહેતા કિરણભાઈ કચરાલાલ રાજપુત શુક્રવારે સાંજે તેમની રીક્ષા લઈ પાટણ ત્રણ દરવાજાથી મેઇન બજાર બાજુ જતા હતા તે વખતે રીતેષભાઇ લલીતભાઇ મહારાજ સફેદ કલરની સ્કોર્પીયો ગાડી રીક્ષા આગળ ઉભી રાખી રીક્ષા રોકી નીચે ઉતરી મારી રીક્ષામાં બેસી ગયા હતા અને છ માસ અગાઉ તુ મારી પાસેથી દસ હજાર વ્યાજેથી લઈ ગયેલ જે પાછા આપવાના નથી, તેમ કહી રિક્ષા તેની ઓફીસ બાજુ હંકારી ધમકી આપતા રીક્ષા ચતુરભુજ બાગથી વેરાઇ ચકલા જવાના રોડ ઉપર આવેલ કલાપી ફર્નિચરની દુકાન આગળ ઉભી રખાવી અને ગાળો બોલી કોમ્પલેક્ષ પહેલા માળે આવેલ હોઈ તેની ઓફીસના પહેલા માળે કોલર પકડી બળજબરીથી લઈ ગયા હતા.

જ્યાં લઈ જઈ અને કહેવા લાગેલ કે જ્યાં સુધી તુ મારા પૈસા નહી આપે તો હું તને મારી ઓફિસમાંજ પૂરી રાખીશ. જ્યાં રીતેષે જાનથી મારી નાખવાની ધમકીઓ આપી ધોકા વડે મારી ખિસ્સામાંથી રૂ .3000 ઝુંટવી લેતાં રીતેશભાઈ લલીતભાઈ મહારાજ સામે ફરિયાદ નોંધાવી હતી તેની તપાસ અધિકારી પીઆઇ એ.સી. પરમારે હાથ ધરી હતી.