ક્રાઈમ:પાટણમાં સ્ટુડિયોના કાચ તોડી કેમેરો અને રોકડ મળી રૂ. 87 હજારના મુદ્દામાલની ચોરી

પાટણ શહેરમાં રાત્રી દરમ્યાન સ્ટુડિયાને નિશાન બનાવી તસ્કરો કેમેરા સહિત રોકડ મળી રૂ. 87 હજારના મુદ્દામાલની ચોરી કરતાં ફરિયાદ નોંધાઈ છે. શહેરના બગવાડા દરવાજા સામે મ્યુનિસિપલ માર્કેટમાં સંજય ઠાકોરનો સ્ટુડિયો આવેલ છે. રવિવારે કામ પૂર્ણ કરી કેસ કાઉન્ટરમાં રોકડ અને પોતાનો કેમેરો મૂકી ઘરે ગયા હતા. અને સોમવારે પોતાના સ્ટુડિયોમાં સવારે આવ્યા હતા ત્યારે સ્ટુડિયોના દરવાજાના કાચ તૂટેલો જોતાં રાત્રીના સમયે તસ્કરો દરવાજાનો કાચ તોડી અંદર પ્રવેશ કરી સ્ટુડિયામાં રહેલો કિંમત રૂ. 70 હજારનો કેમેરો તથા ટેબલના ડ્રોઅરમાં પડેલ રોકડ રૂ. 17 હજાર રૂપિયા મળી કુલ રૂ. 87 હજારની ચોરી થઈ હોવાનું જણાતાં પોલીસને જાણ કરાતાં પોલીસ ઘટના સ્થળે પહોંચી તપાસ હાથ ધરી છે.