ક્રાઇમ:સિદ્ધપુરમાં નદીના પુલ પરથી દારૂ ભરેલી ઈકો સાથે 4 ઝબ્બે

સિદ્ધપુર સરસ્વતી નદીના પુલ નજીકથી રવિવારે રાત્રે પોલીસે ઇકોમાં વિદેશી દારૂના જથ્થો સાથે 4 શખ્સોને ઝડપ્યા હતા. જેઓની પૂછપરછમાં બીજા બે શખ્સોના નામ ખુલ્યા હતા.સિદ્ધપુર પોલીસને રવિવારે રાત્રે બાતમીના આધારે વોચમાં હતા ત્યારે બાતમીવાળી ઈકો આવતાં પોલીસે તેને રોકી તપાસ કરતાં રૂ.55800ની દારૂની 168 બોટલો મળી આવી હતી.

પોલીસે દારૂનો જથ્થો, 5 મોબાઈલ, ઇક્કો મળી કુલ મુદ્દામાલ રૂ.2,86,300 સાથે 4 શખ્સોની અટકાયત કરી હતી. તેઓના કોરોના ટેસ્ટ કર્યા બાદ પૂછપરછમાં વધુ બે શખ્સોના નામ ખુલ્યા હતા. આ અંગે જેતપુર પોલીસ મથકે છ શખ્સો સામે પ્રોહી એક્ટ મુજબ ગુનો નોંધાયો હતો. તેની તપાસ અધિકારી પી.આઈ સી.વી. ગોસાઇ હાથ ધરી હતી.

આ શખ્સો સામે ગુનો
ઝડપાયેલા :-સિંધી (ડફેર) મયુદ્દીન સુજાતભાઈ, સિંધી (ડફેર) અઝરુદ્દીન રમજાનભાઈ બંન રહે.માનપુરા તા. વડગામ માણસીયા ઇસરાઈલ યાસીનભાઈ રહે.ભીલવાડ તા. સરસ્વતી, પટેલ નીલેશભાઈ મણીલાલ રહે.ઊંઝા
ફરાર :- આરોડીયા અહેમદ રહે. ભીલવણ તા. સરસ્વતી,લક્ઝરીનો ચાલક