વેક્સિનેશન:પાટણ જિલ્લાના 100 તલાટી કમ મંત્રીએ કોરોનાની રસીનો પ્રથમ ડોઝ લીધો

પાટણ જિલ્લાના 100 તલાટી કમ મંત્રીએ સોમવારે કોરોનાની રસી લીધી હતી. જેમાં સમી તાલુકાના સામુહિક આરોગ્ય કેન્દ્ર ખાતે સોમવારે તાલુકાના તલાટી કમ મંત્રીઓને કોરોના વેકસીન આપવામાં આવી હતી . વેકસીન લીધા બાદ એક પણ તલાટી કમ મંત્રીને કોઈ પણ પ્રકારની આડઅસર જોવા મળેલ ન હોવાનું પાટણ જિલ્લા તલાટી કમ મંત્રી મંડળના પ્રમુખ સતિષકુમાર જાદવે જણાવ્યું હતું.

સમી તાલુકાના સામુહિક આરોગ્ય કેન્દ્ર ઉપર કોરોના વોરીયર્સ એવા તલાટી કમ મંત્રીઓને કોરોના રસીનો પ્રથમ ડોઝ આપવામાં આવ્યો હતો. જિલ્લાના પાટણ, સમી, હારિજ, સાંતલપુર, ચાણસ્મા સહિતના મથકો પર જિલ્લાના 100 તલાટી કમ મંત્રીએ કોરોના રસી લીધી હતી.