સ્થાનિક સ્વરાજયની ચૂંટણી:હારિજ પાલિકાની પેટા ચૂંટણીમાં વોર્ડ-1માં ભાજપના 2 ઉમેદવારોએ ફોર્મ ભર્યાં

હારીજ નગરપાલિકાની વોર્ડ નંબર એકમાં ચાર માસ અગાઉ વાદી વસાહતના બળવંતભાઇ પોપટભાઇ ફુલવાદી દેવલોક પામતા તેમના ભાઇ બાબુભાઇ પોપટભાઇ ફુલવાદીને ભાજપનો મેન્ડેડ અપાતાં ઉમેદવારી પત્ર ભરાવવામાં આવ્યુ હતુ.

બીજુ ફોર્મ જામફળભાઇ ફુલવાદીને ભરાયું હતુ. ભાજપાના હારીજ શહેર પ્રમુખ રાજુભાઇ ઠક્કર, હારીજ શહેર પ્રભારી મહેશભાઇ રાવળ, ગિરીશભાઇ ઠાકર, રમેશજી ઠાકોર, નટવરભાઇ મકવાણા, નંદૂજી ઠાકોર વગેરેની હાજરીમાં ફોર્મ ભરાયાં હતાં. જ્યારે કૉંગ્રેસમાંથી નગરપાલિક વોર્ડ 1 માંથી ઠાકોર વેરસીજી અજમલજીને મેન્ડેડ અપાતાં શુક્રવારે ઉમેદવારી પત્ર ભરશે તેવું શહેર પ્રમુખ મુકુંદભાઇ પટેલે જણાવ્યું હતુ.