અકસ્માત:હારીજ નજીક હાઇવે પર રાહદારી મહિલાને બાઇક ચાલકે ટકકર મારતાં માથાના ભાગે ઇજાઓ

હારીજ-મહેસાણા હાઇવે પર હારીજ નજીક ડેરીની સામે અજાણ્યા બાઇક ચાલકે રાહદારી 65 વર્ષીય મહિલાને ટકકર મારતા રોડ પર પટકાતા ગંભીર ઇજાઓ પહોંચી હતી. આ અંગે હારીજ પોલીસ મથકે અજાણ્યા બાઇક ચાલક સામે ગુનો નોંધાયો હતો.

હારીજના હનુમાનપરામાં રહેતા કમલાબેન રમેશભાઇ દેવીપુજક (ઉ.વ.65) તેમના દિકરા અલ્પેશ સાથે શનિવારે હાઇવે ગોઇજા વાડીથી જમીને રાત્રે 8:30 કલાકે હારીજ ડેરી નજીકથી પસાર થઇ રહ્યા હતા તે વખતે કોઇ અજાણ્યા બાઇક ચાલકે સામેથી આવીને ટક્કર મારતાં રોડ પર પટકાયા હતા.

બાઇકની ટક્કરથી રોડ પર પટકાતાં કમલાબેનને માથામાં અને છાતીમાં ડાબા ખભા ઉપર ઇજાઓ થઇ હતી. જેમને 108ની મદદથી તાત્કાલી હારીજ સરકારી હોસ્પિટલમાં પ્રાથમીક સારવાર લઇને ધારપુર સીવીલ ખાતે સારવાર ખસેડ્યા હતા. ત્યારે ઇજાગ્રસ્તના નિવેદન આધારે હારીજ પોલીસ મથકે અજાણ્યા બાઇક ચાલક સામે ગુનો નોંધાયો છે.