• Gujarati News
  • Local
  • Gujarat
  • Panchmahal
  • Russia Ukraine War And Rising Prices Of Petroleum Products Have Led To A Sharp Rise In Fertilizer Prices, A Burden Of Rs 6.50 Crore On Farmers.

ખેડૂતોના માથે બોજો:રશિયા-યુક્રેન યુદ્ધ અને પેટ્રોલિયમ પેદાશોના ભાવમાં વધારાથી ખાતરના ભાવમાં તોતિંગ વધારો, ખેડૂતોના માથે 6.50 કરોડનો બોજો

ગોધરાએક મહિનો પહેલા
  • કૉપી લિંક
પ્રતિકાત્મક તસવીર - Divya Bhaskar
પ્રતિકાત્મક તસવીર
  • નર્મદા ફોસ્ફરસમાં બેગ પર રૂ.285 અને ડીએપીમાં બોરી પર રૂ.150નો વધારો
  • યુરીયાના ભાવ વધ્યા પણ સરકારે સબસીડીમાં વધારો કરતાં ભાવ યથાવત રહ્યા
  • અત્યારે જ ખાતરની ખરીદી કરવાની ખેતી વિસ્તરણ અધિકારીની ખેડૂતોને અપીલ
  • જિલ્લામાં 12,859 મે.ટન યુરીયા, 804 મે.ટન ડીએપી તથા 1546 મે.ટન અેનપીકેનો સ્ટોક ઉપલબ્ધ

પંચમહાલ જિલ્લામાં ખેતી વરસાદ આધારીત હોવાથી ચોમાસાની ખેતી વધારા પ્રમાણમાં થતી હોવાથી ચોમાસા પહેલા ખેડૂતો ખાતરનો સ્ટોક કરી લેતા હોય છે. આ વર્ષે ખાતરના ભાવમાં વધારો થવાના કારણે જિલ્લાના ખેડૂતો પર વધારાનો 6.50 કરોડનો બોજો પડશે. એક બાજુ કાળઝાળ ગરમીના કારણે ખેડૂતોને ઉનાળુ પાકમાં ફાયદો નથી ત્યારે વરસાદ સારો થાય તેવી આશા સેવીને ખેડૂતો બેઠા છે તો ખાતરમાં તોતિંગ વધારો થઇ ગયો છે. એક બાજુ ઉનાળામાં પાક ફેઇલ ગયો છે. સામે ચોમાસુ માથા પર છે. ત્યાં ખાતરના ભાવમં વધારો થતા ખેડૂતોને કફોડી સ્થીતિમાં મુકી દીધા છે.

નર્મદા ફોસ્ફરસના ભાવમાં રૂા. 285નો વધારો થતાં હવે એક બેગના રૂા.1470, ડીએનપીના ભાવમાં રૂા.150નો વધારો થતાં બેગના રૂા.1470 થયા છે. જયારે યુરીયાના ભાવ તો વધ્યા પણ સરકારે સબસીડી વધારતાં તેનો ભાવ યથાવત રહ્યો છે. જિલ્લાના ખેડૂતો મબલખ પાક ઉપજાવવા મજુરી, ખેડાણ, દવા સાથે ખાતર પાછળ ખર્ચ કરવો પડે છે.

ગયા વર્ષ એનપીકે ખાતરની 1,49,580 બોરી અને નર્મદા ફોસ્ફરસની 12,70,440 બોરીનો સપ્લાય થયો હતો. આમ ગત વર્ષ કરતા આ વર્ષે ભાવ વધતા જિલ્લાના ખેડૂતો પર વધારનો રૂા. 6.50 કરોડથી વધુનો બોજ પડશે. હાલ જિલ્લામાં ખાતરનો સ્ટોક પુરતા પ્રમાણ હોવાથી ખેડૂતોએ ખાતરની ખરીદી કરવા ખેતી વિસ્તરણ અધીકારીએ અપીલ કરી છે.

પેટ્રોલિયમ પેદાશના ભાવ વધતા ખાતરના ભાવ વધ્યા
હાલ પેટ્રોલીયમ પેદાશના ભાવ આસમાને પહોચ્યા છે. અને યુક્રેન અને રશિયા વચ્ચેના યુધ્ધ રો મટીરીય રશિયાથી આવતા તેમજ ઇરાનમાં આવેલી ઇફકો ફેકટરીમાં રો મટીરીયલ પુરતા પ્રમાણ ન પહોચતાં તેની સીધી અસર ખાતરના ભાવ પણ પડી છે. જેથી નર્મદા ફોસ્ફરસનો ભાવમાં રૂા. 285 અને ડીએપીમાં બોરી પર રૂા.150 નો વધારો થયો છે. જયારે યુરીયાનો ભાવ વધ્યો પણ સરકારે સબસીડી વધારતા યુરીયાના ભાવ યથાવત રહ્યા છે.

જિલ્લામાં ખેડૂતોની સંખ્યા તથા જમીન વિસ્તાર

તાલુકોખેડૂતોની સંખ્યાજમીન હેક્ટરમાં
ગોધરા4171653647
કાલોલ2704331127
હાલોલ1717429142
શહેરા2357637511
જાંબુઘોડા39616603
ઘોઘંબા1780632278
મોરવા(હ)1104621753

બે વર્ષનું વાવેતર હેકટરમાં

વાવેતરવર્ષ 2020વર્ષ 2021
ખરીફ163422160224
રવિ5898044435
ઉનાળુ1264210749

ખાતરનો સપ્લાય, હાલનો સ્ટોક

ખાતર20212,022હાલ સ્ટોક
યુરીયા6352250,35012,839
ડીએપી71484,536804
એનપીકે74799701,546

ખેડૂતોએ 60% ખાતરની ખરીદી કરી લેવી જોઇએ
જિલ્લામાં ખરીફ પાકનું વાવતેરની તૈયારીઓ 5 જુન બાદ શરૂ થયા છે.જેથી આગામી ખરીફ સિઝન માટે વિક્રેતાઓ, સસ્થાઓ કે મંડળીઓ ખાતરની ખરીદી કરીને સંગ્રહ કરવો નહિ,જિલ્લામાં હાલ ખાતરનો જરૂરીયાત પ્રમાણમાં જથ્થો છે. જેથી ખેડૂતોએ અત્યારે જરૂરીયાત મુજબના 60 ટકા ખાતરના જથ્થાની ખરીદી કરીને સંગ્રહીત કરી દેતો જોઇએ. - એ.આર. સોનારા, ખેતી વિસ્તરણ અધીકારી

અન્ય સમાચારો પણ છે...