એક માસમાં રોડ તૂટવા લાગ્યો:10 કરોડના ખર્ચે બનેલા વાવના કસ્ટમ રોડના કાંકરા ખર્યા

વાવ તાલુકાના સરહદી વિસ્તારમાંથી પસાર થતો કસ્ટમ રોડ 10 કરોડના ખર્ચે બનાવવામાં આવ્યો છે. જે રોડને એક માસ જેટલો સમય થયો છે ત્યાં તો તૂટવા લાગતાં ભ્રષ્ટાચારની રાવ ઊઠી છે. સરકાર દ્વારા 10 કરોડના ખર્ચે કસ્ટમ રોડ બનાવ્યો હતો. જો કે, આ રોડ બનતો હતો ત્યારે જ ચોથારનેસડા ગામના ભીખાભાઇ પરમાર દ્વારા હલકી ગુણવંતાનું કામ થતું હોવાની કલેકટરને લેખિત રજુઆત કરી હતી. જેને એક માસ જેટલો સમય થવા આવ્યો છે ત્યાં આ રોડના કાંકરા ઉખડવા લાગ્યા છે. આ કસ્ટમ રોડ કારેલી ગામડી ત્રણ રસ્તા, કુંડાળીયા ચાર રસ્તા, ટડાવ, ચંદનગઢ વચ્ચે કાંકરા ખરવા લાગ્યા છે. જેને લઈ આ કામની તપાસ કરવા લોક માંગ ઉઠી છે.