કેનાલના પાણી માટે છેવાડાના ખેડૂતોનો સંઘર્ષ:મુરઝાતા પાકને બચાવવા વાવના લોદ્રાણી ગામના ખેડૂતોએ કેનાલમાં પાણી છોડવા ઢોલ વગાડ્યો

વાવ તાલુકાના સરહદી ગામડાઓમાં નર્મદા કેનાલનું પૂરતું પાણી મળતું નથી. વારંવાર રજૂઆતો કરવા છતાં તંત્રની ઉંઘ ઊડતી નથી. જેને લઈ ખેડૂતોએ ખાલી કેનાલમાં ઢોલ વગાડી તંત્રને જગાડવા અનોખો વિરોધ દર્શાવ્યો હતો.

બનાસકાંઠા જિલ્લાના છેવાડાના ગામો સુધી કેનાલનું પાણી પહોંચતું નથી. જેને લઇ ખેડૂતોની હાલત કફોડી બની છે. વારંવાર રજૂઆતો કરવા છતાં તંત્ર દ્વારા પણ કોઇ કાર્યવાહી કરવામાં આવતી નથી.ત્યારે વાવ તાલુકાના લોદ્રાણી ગામના ખેડૂતોને માઇનોર-1માં પાણી મળતું નથી. જેને લઈ પાક મુરજાઈ રહ્યો છે. કેનાલ વિભાગને વારંવાર રજૂઆતો કરવા છતાં કેનાલમાં પાણી ન આવતા સોમવારે આખરે ખેડૂતો ખાલી કેનાલ પર જઈ કેનાલમાં ઢોલ વગાડી વિરોધ દર્શાવ્યો હતો.