નુકસાન:સપ્રેડા કેનાલ તૂટતાં જીરાનો પાક નિષ્ફળ

વાવની સપ્રેડા માઇનોર-1માં ખેડૂતના ખેતરમાં રવિવારની મધરાતે 10 ફૂટનું ગાબડું પડતા ચાર એકરમાં પાણી ફરી વળતાં જીરાના પાકને નુકસાન થવાની ભીતિ સેવાઇ રહી છે.

સરહદી વાવ, થરાદ, સુઇગામ પંથકમાં છાસવારે કેનાલોમાં ગાબડાં પડી રહ્યા છે. તાજેતરમાં દૈયપ કેનાલમાં ગાબડું પડયાના બીજા દિવસે ફરી વાવ, થરાદની કેનાલોમાં ગાબડાં પડતાં ખેડૂતોને મસમોટું નુકસાન થવાની ભીતિ સેવાઇ રહી છે. વાવની સપ્રેડા માઇનોર-1માં મોતીભાઈ કાપડીના ખેતરમાં રવિવારની મધરાતે 10 ફૂટનું ગાબડું પડતા ચાર એકરમાં પાણી ફરી વળતાં જીરાના પાકને નુકસાન થવાની ભીતિ સેવાઇ રહી છે. છાસવારે કેનાલોમાં ગાબડાં પડતા ખેડૂતોની હાલત કફોડી બની રહી છે અને ખેડૂતોને મસમોટું નુકશાન વેઠવાનો વારો આવી રહ્યો છે.