આગ ઘટના:વાવના ઢીમા ગામે આગ લાગતાં ઘાસચારો બળીને ખાખ થઈ ગયો

વાવ17 દિવસ પહેલા
  • કૉપી લિંક
વાવના ઢીમા ગામે ખળા બોવડાઓમાં અચાનક આગ લાગતા ઘાસચારો બળીને ખાખ - Divya Bhaskar
વાવના ઢીમા ગામે ખળા બોવડાઓમાં અચાનક આગ લાગતા ઘાસચારો બળીને ખાખ
  • આગની લપેટમાં આવી જતાં વાછરડી પણ દાઝી ગઇ

વાવના ઢીમા ગામે ખળા બોવાડાઓની વાડમાં આકસ્મિક આગ લાગી હતી. થરાદ ફાયર ફાયટર ઘટના સ્થળે દોડી આવી આગને કાબુમાં લેવા પ્રયાસ કર્યો હતો. જોકે પવન વધારે હોવાથી આગે વિકરાળરૂપ ધારણ કરતા બોવડામાં પડેલ ઘાસચારો બળીને ખાખ થઇ ગયો હતો તેમજ એક વાછરડી પણ દાઝી ગઈ હતી.

વાવ-સુઇગામ પંથકમાં ફાયર ફાઇટરનો અભાવ હોઈ ઘણીવાર તકલીફો ઊભી થાય છે. ઢીમા ગામે સોમવારે ચાર જેટલા ખળા બવાડાઓની વાડમાં અચાનક આગ લાગી હતી. વાંકજીભાઈ બ્રાહ્મણના વાડામાં પડેલ ત્રણ ટોલી ઘાસચારો આગની લપેટમાં આવી જતા ઘાસચારો બળી ગયો હતો.

તેમજ વાડામાં રહેલ વાછરડી આગની લપેટમાં આવી જતા દાઝી ગઇ હતી. જોકે સમય સૂચકતા દાખવી બચાવી લેવાઇ હતી. આગે વિકરાળરૂપ ધારણ કરતા આગ વધુ અંતરમાં ફેલાય તે પહેલા થરાદ ફાયર ફાઇટરે આગને કાબુમાં લેતા જાનહાની ટળી હતી.

અન્ય સમાચારો પણ છે...