આયોજન:વડગામના ડાલવાણાથી નાડોલ જવા પગપાળા સંઘનું પ્રસ્થાન

વડગામ તાલુકાના ડાલવાણાથી છેલ્લા કેટલાય વર્ષોથી રાજસ્થાનના નાડોલમાં આવેલા આશાપુરા માતાજીના મંદિરે પગપાળા સંઘનું આયોજન કરવામાં આવે છે. ત્યારે આ વરસે પણ પગપાળા સંઘનું આયોજન કરવામાં આવ્યું હતું. રવિવારે ડાલવાણાથી પગપાળા સંઘનું પ્રસ્થાન કરવામાં આવ્યું હતું. આ સંઘ 6 દિવસે મહા સુદ બીજે રાજસ્થાનના નાડોલમાં આવેલા આશાપુરા માતાજીના મંદિરે પહોંચશે. અને પદયાત્રીકો માતાજીના ચરણોમાં શિશ નમાવશે.

ત્યારે આ પગપાળા સંઘમાં ડાલવાણા નગાણા, મેગાળ, અને પાટણ જિલ્લાના ચારૂપ ગામના યુવાનો જોડાયા હતા. પગપાળા યાત્રિકોનું રસ્તામાં આવતા મેગાળ ચોકડી પેપોળના કેસરસિંહ રાજપૂત દ્વારા સ્વાગત કરવામાં આવ્યું હતું અને ત્યારબાદ વડગામ ગ્રામ પંચાયતના સરપંચ, તાલુકા સરપંચ એસોસિયેશનના પ્રમુખ ભગવાનસિંહ સોલંકી તથા વિવિધ ગામના આગેવાનો દ્વારા સન્માન કરવામાં આવ્યું હતું.