હોબાળો:થરાદમાં બસ ડેપોના દરવાજા આગળ જ બે દારૂડિયાઓએ હંગામો મચાવ્યો

થરાદ બસ ડેપોમાં બુધવારે એક નશાખોરએ કાર અને પાસબારીના કાચ તોડી હંગામો મચાવ્યો હતો. જ્ચારે બીજા દિવસે ગુરુવારે બસ ડેપોના દરવાજાની આગળ બે દારૂડિયાએ હંગામો મચાવતાં લોકોના ટોળેટોળાં ઉમટ્યા હતા. થરાદમાં બુધવારે એક નશાખોરએ મગજનો પીતો ગુમાવી બસ ડેપોમાં કાર અને પાસબારીના કાચ તોડી આતંક મચાવ્યો હતો.

જેમાં એસટી બસ સ્ટાફ તેમજ મુસાફરોએ શખ્સને ઝડપી પોલીસને સોંપવામાં આવ્યો હતો. ત્યારે બીજા દિવસે ગુરુવારે બે દારૂડિયાઓ સ્કૂલો છૂટવાના સમયે બસ ડેપોના દરવાજે આવી પહોંચી બંને દારૂડિયાઓ હંગામો મચાવી એકબીજાને બિભસ્મ શબ્દો ઉચ્ચારી આપસમાં ઝઘડતા લોકોનું ટોળું એકઠું થવા પામ્યું હતું. જેથી એક આંતરે બસ ડેપો આગળ દારૂડિયાઓ તમાશો કરતા હોવાથી આવા શખ્સો સામે કડકમાં કડક કાર્યવાહી થવી જોઈએ.

ત્રાસથી લોકો તેમજ વેપારીઓ ત્રાહિમામ્
થરાદ શહેરમાં ઠેરઠેર દેશી તેમજ વિદેશી દારૂનું વેચાણ થતું હોવાથી ગ્રામીણ વિસ્તારોમાંથી દારૂના વ્યસનીઓ થરાદ ખાતે દારૂ ઢીંચીને ભરબજારમાં તમાશો માંડતા હોય છે. જેથી લોકો તેમજ વેપારીઓ ત્રાહિમામ્ પોકારી ઉઠ્યા છે.થરાદ શહેરમાં દારૂ આવે છે ક્યાંથી તેતો પોલીસ જાણી શકે. દારૂડિયાના ત્રાથી લોકો પરેશાન થઈ ઊઠ્યા છે.