તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

આત્મહત્યા:લાખણી તાલુકાના પ્રેમી-પંખીડાએ ઘરેથી ભાગી થરાદની મુખ્ય કેનાલમાં ઝપલાવ્યું

થરાદ8 દિવસ પહેલા
  • કૉપી લિંક
તરવૈયાઓ દ્વારા બન્નેની લાશોને કેનાલમાંથી કાઢી હતી. - Divya Bhaskar
તરવૈયાઓ દ્વારા બન્નેની લાશોને કેનાલમાંથી કાઢી હતી.
  • પાલિકાના તરવૈયા દ્વારા કેનાલમાં બંનેની લાશો બહાર કાઢી પરિવારને સોંપી

થરાદની મુખ્ય કેનાલમાંથી ગુરુવારે યુવક-યુવતીની તરતી લાશ જોવા મળતાં પાલિકાની ટીમના તરવૈયાઓ દ્વારા બન્નેની લાશોને કેનાલમાંથી કાઢવામાં આવી હતી. જેમાં એકબીજાઓ પ્રેમ સંબંધ ધરાવતાં હોવાથી બુધવારે ઘરેથી ભાગી થરાદની મુખ્ય કેનાલમાં ઝંપલાવી હોવાનું લોકોમાં ચર્ચાઇ રહ્યું હતું.

થરાદમાં ઢીમા પુલ નજીક મુખ્ય નર્મદા નહેરમાં ગુરુવારે યુવતીની તરતી લાશ કોઇ રાહદારીને જોવા મળતાં નગરપાલિકા તરવૈયાને જાણ કરવામાં આવતાં ફાયર ટીમ સાથે તરવૈયા સુલતાનમીર દ્વારા યુવતીની લાશને બહાર કાઢવામાં આવ્યા બાદ અંદાજે 40 મીટરના અંતરે બીજી એક યુવકની તરતી લાશ જોવા મળતાં બંનેના મૃતદેહોને બહાર કાઢવામાં આવ્યા હતા. મૃતકોના વાલી વારસો સ્થળ પર આવી પહોંચતાં બંને યુવક-યુવતી લાખણીના હોવાનું જાણવા મળ્યું હતું.

જેમાં એકબીજાઓ પ્રેમ સંબંધ ધરાવતાં હોવાથી બુધવારે ઘરેથી ભાગી થરાદની મુખ્ય કેનાલમાં ઝંપલાવી મોતને વ્હાલું કરી દેતાં સ્થળ પર હાજર રહેલા લોકોમાં ચર્ચાઇ રહ્યું હતું. મૃતક યુવક પાસેથી એન્ડ્રોઇડ મોબાઈલ, પાવરબેગ તેમજ ચાર્જ કેબલ સહિત આધારકાર્ડ મળી આવ્યું હતું. આધાર કાર્ડમાં યુવકનું નામ કમલેશભાઇ હરજીભાઇ વજીર લખેલું હતું. જ્યારે યુવતી પાસેથી સાદો મોબાઈલ મળી આવ્યો હતો. પાલિકાના તરવૈયા દ્વારા બહાર કાઢેલી લાશો પરિવારજનોને સોંપવામાં આવી હતી. ઘટનાને પગલે સ્થળ પર લોકોના ટોળેટોળાં ઉમટ્યા હતા. આ ઘટના અંગે થરાદ પોલીસ મથકે મોડા સુધી કોઇ ગૂનો નોંધાવા પામ્યો ન હતો.

અન્ય સમાચારો પણ છે...