ધરપકડ:થરાદ પોલીસે કારમાંથી દારૂ સાથે બે રાજસ્થાનના શખસો ઝડપ્યા

થરાદ પોલીસ સ્ટાફ શનિવારે પેટ્રોલીંગમો હતો તે દરમિયાન બાતમીના આધારે થરાદ ચાર રસ્તા વોચ ગોઠવી હતી. ત્યારે સાંચોર તરફથી આવી રહેલ સ્વીફ્ટ કાર જીજે-12-સીડી-5915 નંબરની આવતા ઉભી રખાવી કારમાં તપાસ કરતા સ્વીફટ કારની અંદર ચોર ખાનામાંથી વિદેશી દારૂની બોટલો નંગ-103 કિંમત રૂા.34,800 નો દારૂ તથા મારૂતી સ્વીફ્ટ કારની કિંમત રૂા.2,00,000, મોબાઇલ નંગ-2 કિંમત રૂા.2500, રોકડ રકમ રૂ.600 મળી કુલ રૂા.2,37,900 ના મુદામાલ જપ્ત કર્યો હતો. તેમજ દિનેશરામ લાધુરામ વિશ્નોઈ (રહે.જોગાઉ, તા.ભીનમાલ) અને મનોહરલાલ ભગીરથરામ વિશ્નોઈ (રહે.જાખલ, તા.સાંચોર, જી.ઝાલોર-રાજસ્થાન) ને પકડી પાડી આરોપીઓ વિરૂધ્ધ ગુનો નોંધી કાર્યવાહી કરવામાં આવી હતી.