આવેદનપત્ર:સપ્રેડામાં મનરેગામાં 34 લાખનો ભ્રષ્ટાચારના આક્ષેપ કરનાર લોકો સામે મામલતદારને રજૂઆત

વાવના સપ્રેડા ગામે મનરેગા યોજના હેઠળ થયેલ કામોની તપાસ કરવા કચેરીઓ દ્વારા યોગ્ય જવાબ નહિ મળતાં ગામલોકોએ ઘરણા પર બેસવાની તારીખ માંગવા પ્રાંત કચેરી ખાતે 10 જેટલા લોકોએ શીરિસ્તેદારને શનિવારે આવેદનપત્ર આપ્યું હતું. જેની વિરુદ્ધ અન્ય ગામ લોકોએ બુધવારે મામલતદારને આવેદનપત્ર આપી જણાવ્યું હતું કે, ‘ગામમાં કેટલાક લોકો માથાભારે અને ભૂમાફિયા છે.

સરકારી લાભાર્થીઓ પાસેથી હપ્તા અને ટકાવારી પડાવે છે. જેથી સરપંચ દ્વારા કહેવા જતાં તેમની વિરુદ્ધ આ લોકો ખોટા આક્ષેપો કરી રહ્યા છે. ગામમાં રોડ ઉપર ગુણવત્તાયુક્ત કામગીરી મેટલ, મોરમ અને રોલર ફેરવી કરવામાં આવી છે.સરપંચ કે અધિકારીઓએ આ બાબતે ભ્રષ્ટાચાર કરવામાં આવ્યો નથી. આ આવેદનપત્ર આપનાર લોકોએ સરકારી જમીન ઉપર દબાણ પણ કરી સરકારી જમીનને નુકસાન કરેલ છે.તેવું જણાવ્યું હતું.