મુશ્કેલી:ગઢમાં ચામુંડા માતાજી મંદિર પાસે હોડા જવાના માર્ગ પર ઠેરઠેર ગાબડાંનુ રાજ

પાલનપુર તાલુકાના ગઢ સ્થિત ચામુંડા માતાજીના મંદિર પાસેથી પસાર થતો હોડા તરફ જવાના માર્ગે મસમોટા ગાબડા તેમજ કાદવ-કીચડથી લોકો પરેશાની ભોગવી રહ્યા છે.અહીંથી પસાર થતા વાહનચાલકો સહિત મંદિરે આવતા દર્શનાર્થીઓની લાગણી દુભાઈ છે.

ગઢ-ખસા રોડથી ગઢ ચામુંડા મંદિરે જવાના હોડા માર્ગ ઉપર ગાબડા પડી ગયા છે. જે ગાબડાઓમાં પાણી ભરાઈ જવાથી કાદવ-કીચડનું સામ્રાજ્ય બની જવા પામ્યું છે. આ માર્ગ ઉપર ચામુંડા માતાજીનું મંદિર આવેલું હોવાથી દર્શન કરવા જતાં દર્શનાર્થીઓની પણ લાગણી દુભાય છે. અહીંથી પસાર થતી ગ્રામ પંચાયતની પાઈપલાઈનમાં લીકેજને કારણે અહીં કાદવ-કીચડ થઈ રહ્યું છે. જેને લીધે અહીંથી પસાર થતા લોકોમાં નારાજગી જોવા મળી રહી છે.