બેદરકારી:ખરીદ વેચાણ સંઘની ચૂંટણીમાં ઉમેદવારી પત્ર ભરતી વખતે સોશિયલ ડિસ્ટન્સ ભૂલાયું

બનાસકાંઠા જિલ્લા ખરીદ વેચાણ સંઘની આગામી 28 મી ડિસેમ્બરે યોજાનાર ચૂંટણીને લઈ ફોર્મ ભરવાની શરૂઆત થઈ છે.જેમાં શનિવારે પાલનપુર માર્કેટ યાર્ડ ચેરમેન ફતાભાઈ ધારીયા એ સેવા સહકારી મંડળીમાં ભાજપના સમર્થકો સાથે ઉમેદવારી નોંધાવી હતી. પરંતુ સોશિયલ ડિસ્ટન્સ જળવાયું ન હતું.

જિલ્લા ખરીદ વેચાણ સંઘની ચૂંટણી 28 મી ડિસેમ્બરે યોજાનાર છે જેમાં 11 ડિસેમ્બર ફોર્મ ભરવાની અંતિમ તારીખ છે જેને લઇ જિલ્લાના સહકારી આલમમાં ભરશિયાળે ગરમાવો પ્રસર્યો છે. જિલ્લાના 14 તાલુકામાં સેવા સહકારી મંડળી વિભાગ, સામાન્ય વિભાગ, અનુસૂચિત જાતિ, જનજાતિ વિભાગ, નાના/સીમાંત ખેડૂત વિભાગમાં ઉમેદવારી પત્રો ભરાઈ રહ્યા છે. શનિવારે પાલનપુર માર્કેટ યાર્ડ ચેરમેન ફતાભાઈ ધારીયા એ સેવા સહકારી મંડળીમાં ભાજપના સમર્થકો સાથે ઉમેદવારી નોંધાવી હતી. પરંતુ સોશિયલ ડિસ્ટન્સ જળવાયું ન હતું.