સારવાર:ઇજાગ્રસ્ત વાનરને સારવાર માટે ખસેડાયો

પાલનપુર તાલુકાના કરજા ગામે વાનર ઇજાગ્રસ્ત હાલતમાં હોવાનો મેસેજ મળતાં પાલનપુરની જયશ્રી અંબે સેવા ટ્રસ્ટની વાનરસેના દ્વારા પાલનપુરની ફોરેસ્ટ વિભાગની હોસ્પિટલમાં સારવાર અર્થે ખસેડવામાં આવ્યો હતો.પાલનપુરની જયશ્રી અંબે સેવા ટ્રસ્ટ ગઠામણ દરવાજાની વાનરસેનાના પ્રમુખ અશોકભાઇ પ્રજાપતિને કરજા ગામેથી ફોન આવ્યો હતો. જ્યાં એક કપીરાજ બંને પગે ઇજાગ્રસ્ત થયો હોવાનું જાણવા મળતાં ટ્રસ્ટના સદસ્યો સાથે કરજા ગામે ગયા હતા. જ્યાં ભારે જહેમત બાદ કપીરાજને પકડી ગાડીમાં પાલનપુર સ્થિત વન વિભાગની હોસ્પિટલમાં સારવાર અર્થે ખસેડવામાં આવ્યો હતો.