ધરપકડ:સોનગઢ પાટિયા પાસે અકસ્માત સર્જનારો કારચાલક ઝડપાયો

સોનગઢ પાટિયા પાસે અકસ્માત સર્જનારા કારચાલકને પોલીસે ઝડપી લીધો હતો. સોનગઢ નજીક શનિવારે સાંજે કાર ચાલક ફેનીલ પંકજભાઈ પટેલ (ઉં.વ.19,રહે. લક્ષ્મીપુરા પાલનપુર) એ ઘાસ લેવા જઇ રહેલી 2 મહિલા સહિત એક યુવતીને અડફેટે લીધી હતી. જેમાં એક મહિલાનું ઘટના સ્થળે મોત નિપજ્યું હતું અને બીજી મહિલાનું સારવાર દરમિયાન મોત નિપજ્યું હતું. આ અંગેનો ગુનો તાલુકા પોલીસે નોંધાતા પોલીસે કાર ચાલક ફેનીલ પંકજભાઈ પટેલની અટકાયત કરી અમીરગઢ પોલીસ સ્ટેશન રખાયો હતો.

આ બાબતે પાલનપુર તાલુકા પીએસઆઇ બી.આર.પટેલે જણાવ્યું હતું કે ‘શનિવારે બનેલી ઘટનામાં બે મહિલાનું મોત નિપજ્યું હતું તે દુઃખદ છે પરંતુ કાયદો અને વ્યવસ્થા જળવાય તે હેતુ કાર ચાલકને અમીરગઢ પોલીસ સ્ટેશન રખાયા હતો. નોંધનીય છે કે ગામલોકોએ મેથીપાક ચખાડ્યો હતો.પરંતુ પોલીસે કારચાલકને છોડાવ્યો હતો.