તંત્ર એલર્ટ:બનાસકાંઠા જિલ્લાના ઈકબાલગઢ ગામમાં કોરોના કેસોને ધ્યાને લઇ પોલીસ દ્વારા માસ્ક વિતરણ કરવામાં આવ્યા

બનાસકાંઠા જિલ્લામાં સતત કેસનો કોરોના કેસોમાં નોંધપાત્ર વધારો થતો જોવા મળી રહ્યો છે. અમીરગઢ તાલુકાના વેપારી મથક ઇકબાલગઢમાં પોલીસ દ્વારા માસ્ક વિતરણનું આયોજન કરવામાં આવ્યું હતું.

બનાસકાંઠા જિલ્લામાં સતત કોરોના પોઝિટિવ કેસોનો વધારો થતો જોવા મળી રહ્યો છે. જ્યારે તંત્ર સતર્ક બન્યુ છે. અમીરગઢ તાલુકા પોલીસ દ્વારા ઇકબાલગઢમાં આજરોજ માસ્ક વિતરણ કાર્યક્રમ યોજાયો હતો. જેમાં અમીરગઢ પી.એસ.આઇ દ્વારા માસ્ક વગર ફરતા લોકોને માસ્ક આપી ફરજિયાત માસ્ક પહેરવા જણાવ્યુ હતુ. અમિરગઢ પી.એસ.આઈ દ્વારા ઇકબાલગઢના વેપારીઓને પણ કડકાઈથી ફરજીયાત માસ્ક તેમ સોશિયલ ડિસ્ટન્સ અને સરકારી ગાઈડલાઈનનું પાલન કરવાનું કહ્યું છે. જોકે ઇકબાલગઢ વેપારી દ્વારા કેટલા અંશે સરકારી ગાઈડલાઈનનું પાલન કરે છે એ તો જોવાનું રહ્યું છે.