જમીન હડપ કરનારા સામે તવાઇ:ચંડીસરમાં સરકારી જમીન પચાવનારા જિલ્લા ડેલીગેટના ભાઈ સામે લેન્ડ ગ્રેબિંગનો ગુનો

પાલનપુર તાલુકાના ચંડીસરમાં પૂર્વ સરપંચના પુત્ર અને વર્તમાન જિલ્લા પંચાયત સદસ્યના ભાઈએ કોઇપણ જાતની મંજુરી સરકારી જમીન પચાવી પાડી એમાં 2000 ચો.ફૂટનું દબાણ કર્યુ હોવાનું બહાર આવ્યું છે. આ અંગે રેવન્યુ તલાટીએ તેની સામે ગઢ પોલીસ મથકે ફરિયાદ નોંધાવતાં ગુજરાત જમીન પચાવી પડવા પર પ્રતિબંધના કાયદાનુ સાર કાયદેસરની કાર્યવાહી હાથ ધરવામાં આવી છે.

ગુજરાત સરકાર દ્વારા સરકારી જમીન પચાવી પાડનારા શખ્સો સામે કાયદેસરની કાર્યવાહી હાથ ધરી જમીન ખુલ્લી કરવામાં આવી રહી છે. જ્યાં પાલનપુર તાલુકાના ચંડીસરમાં કોઇપણ જાતની મંજુરી સરકારી જમીન પચાવી પાડી એમાં 2000 ચો.ફૂટનું દબાણ કર્યુ હોવાનું બહાર આવ્યું છે. પૂર્વ સરપંચ જાલુજીના દીકરા અને વર્તમાન જિલ્લા પંચાયત સીટના ભાજપના સદસ્ય પરબતભાઈના ભાઈ ભેમજીભાઇ જાલુજી ઠાકોરે ચંડીસર ગામના સર્વે નં. 985ની શ્રી સરકાર જમીનમાં કોઇપણ જાતની મંજુરી મેળવ્યા વગર અંદાજે 2000 ચોરસ ફૂટ જમીનમાં ધાબાનું (હોટલ)નો સેડ બનાવી દોઢ - બે વર્ષ અગાઉથી અનઅધિકૃત બીનખેતી ઉપયોગ કરી સરકારી જમીન ઉપર દબાણ કર્યુ હતુ. અને પોતાના આર્થિક ફાયદા સારૂ ઉપયોગ કરતો હતો.

આ અંગે ઇન્ચાર્જ રેવન્યુ તલાટી જીગલબેન રામજીભાઇ પ્રજાપતિએ તેની સામે ગઢ પોલીસ મથકે ફરિયાદ નોંધાવતાં ગુજરાત જમીન પચાવી પડવા પર પ્રતિબંધના કાયદા અધિનિયમ 2020ની કલમ 4(3), પ(સી), 6(1) (2) તથા ઇપીકો ક. 447 મુજબ ગુનો નોંધી કાયદેસરની કાર્યવાહી હાથ ધરવામાં આવી છે.