દુખદ:ભરકાવાડામાં પરીક્ષાના ટેન્શનમાં યુવકે ગળા ફાંસો ખાઇ જીવન ટૂંકાવ્યું, યુવક સ્પર્ધાત્મક પરીક્ષાની તૈયારી કરતો હતો

વડગામ તાલુકાના ભરકાવાડા ગામના એક યુવકે સ્પર્ધાત્મક પરીક્ષાના ટેન્શનમાં પોતાના ઘરે પંખા સાથે દોરી બાંધી ગળે ફાંસો ખાઇ આપઘાત કર્યો હતો. આ બનાવને લઈ ગમગીની છવાઈ ગઈ હતી.આ અંગે પોલીસે અકસ્માતે મોતનો ગૂનો નોંધી વધુ તપાસ હાથ ધરી છે.

વડગામ તાલુકાના ભરકાવાડા ગામે રહેતા સંજયભાઇ જેઠાભાઇ રાઠોડ (ઉં.વ.24) સ્પર્ધાત્મક પરીક્ષાની તૈયારીઓ કરતા હતા. જોકે, પરીક્ષાનું સતત ટેન્શન રહેતું હોઇ શનિવારે સાંજે તેમના મકાનના છેલ્લા રૂમમાં પંખા સાથે દોરી બાંધી ગળે ફાંસો ખાઇ આપઘાત કરી લીધો હતો.આ અંગે જેઠાભાઇ મોહનભાઇ રોઠોડે છાપી પોલીસ મથકે ફરિયાદ નોંધાવી હતી. જેના આધારે પોલીસે અકસ્માતે મોતનો ગૂનો નોંધી પીએસઆઇ એસ.ડી.ચૌધરી વધુ તપાસ ચલાવી રહ્યા છે.